Foto: Liter.kz

Alğaş ret Qazaqstandıq universitet - äl-Farabi atındağı QazWU älemdegi 800 eñ üzdik universitetter arasında 220 orınğa ie bolıp, QS «World University Rankings» halıqaralıq reytingisinde tağı 16 orınğa alğa şıqtı. Bwl topqa postkeñestik keñistikten tek eki universitet kiredi: QazWU jäne Lomonosov atındağı Mäskeu memlekettik universiteti (RF).

Elbası Qazaqstannıñ joğarı oqu orındarına älemdegi eñ üzdik 200 JOO qatarına kiru mindetin qoyıp otır. QazWU älemdik keñistikte moyındalğan elimizdiñ jetekşi universiteti retinde osı mañızdı memlekettik tapsırmanı iske asıruda maqsattı jwmıs atqaruda. Soñğı bes jılda universitet «QS WUR» reytingisinde 400-den astam poziciyağa köterildi. Älemdik täjiribede birde-bir universitet osınday ösu dinamikasına qol jetkizbegen!

QS älemdegi barşa memlekettermen tanılğan bedeldi jäne köptegen jıldar boyı älemdegi üzdik joğarı oqu orındarınıñ jahandıq reytingisin jürgizip kele jatqan ıqpaldı halıqaralıq agenttikterdiñ biri ekendigi mälim.

QazWU-dıñ osı reytingide tabıstı ilgerileuiniñ mañızdı faktorı keñ audımqı qwrılımdıq modernizaciya, nätijege bağıttalğan basqarudıñ joğarı tiimdiligi, sonday-aq soñğı bes jıl işinde 40 payızğa ösken biregey infraqwrılımnıñ qarqındı damuı bolıp tabıladı. Älemdik deñgeydegi zertteu universitetine aynalu bağıtın saqtay otırıp, QazWU medicina-biologiyalıq jäne innovaciyalıq İT klasterin qalıptastıru boyınşa jwmıs jasauda, onıñ negizin jaña superkomp'yuter qwraytın boladı.

Universitettiñ älemdik deñgeyde tanıluı sonımen birge QazWU-dıñ twraqtı damu boyınşa BWW-nıñ «Akademiyalıq ıqpal» bağdarlamasınıñ Ğalamdıq habı retinde belsendi qızmetimen jäne onıñ halıqaralıq jobalarımen de baylanıstı. Olardıñ işinde QazWU wsınğan innovaciyalıq-tehnologiyalıq jäne ruhani-adamgerşilik platformalardıñ simbiozına negizdelgen «Universitet 4.0» jaña buın universitetiniñ modeli bar.

Büginde QazWU-dıñ tañğalarlıq täjiribesin älemniñ jetekşi universitetteri zertteu üstinde, bwl universitettiñ joğarı bäsekege qabilettiliginiñ körsetkişi bolıp tabıladı. Jetekşi qazaqstandıq joğarı oqu ornınıñ älemdik ğılımi-bilim beru keñistigindegi artıp kele jatqan rölin eskere otırıp, «QS Worldwide» Atqaru keñesi 2019 jıldıñ qırküyeginde äl-Farabi atındağı QazWU negizinde bükilälemdik forum jäne joğarı oqu orındarınıñ halıqaralıq körmesin ötkizu turalı şeşim qabıldadı. Osınday auqımdı is-şaranı ötkizu Qazaqstannıñ ösip kele jatqan bedelin ayğaqtaydı jäne eldiñ joğarı bilim beru jüyesin älemde alğa jıljıtuğa ıqpal etetin boladı.

“The Qazaq Times”