Foto: Körneki suret

QR Memleketik qızmet isteri jäne sıbaylas jemqorlıqqa qarsı is-qimıl agenttiginiñ törağası Alik Şpekbaev äleumettik jelidegi paraqşasında respublika azamattarına jemqorlıqqa qatıstı ündeu jariyaladı.

«Ärbirimiz qazirgi uaqıtta da, bolaşaqta da sıbaylas jemqorlıqqa orın joq dep aytatın bolsaq, ärbir qazaqstandıq jemqorlıqtı jeñuge bolatınına senetin bolsa, eldegi sıbaylas jemqorlıqtı jeñu äbden mümkin ekenine közim jetti. Eñ bastısı, ärbir azamattıñ qazirden bastap osığan wmtıluı mañızdı. Dostar, eger siz sıbaylas jemqorlıqqa qatıstı zañbwzuşılıq orın alıp jatqanına kuä bolsañız, yağni para wsınılıp nemese berilip jatqanın körseñiz, byudjet qarjısınıñ wrlanuı josparlanıp jatqanın bilseñiz, qızmetin asıra paydalanu orın alıp jatqanına kuäger bolsañız dereu agenttikke habarlasıñızdar» , - dedi vedomostva basşısı. Onıñ aytuınşa, birde-bir qoñırau qarausız qalmaydı. Sıbaylas jemqorlıqqa qatıstı aqparatpen bölisken azamattarğa qwpiyalılıq pen qwqıqtıq qorğauğa kepildeme beriledi. Eger, aqparat rastalğan jağdayda, aqparatpen bölisuşi 240 mıñ teñgege ($730) deyin sıyaqı ala aladı.

“The Qazaq Times”