Foto: ontustik.gov.kz
Qazaqstanda tün ortasına deyin jwmıs isteytin tağı eki HQKO payda boldı. «Azamattarğa arnalğan ükimettiñ» HQKO-lardıñ tün ortasına deyingi jwmısı boyınşa pilottıq jobası jalğasuda. Endi memlekettik qızmetti aluğa ötiniş beru nemese dayın anıqtamanı alu mümkindigin tek astanalıqtar ğana emes, Almatı jäne Şımkent qalalarınıñ twrğındarı da ala aladı, dep habarlaydı "Azamattarğa arnalğan ükimet" kommerciyalıq emes AQ baspasöz qızmeti.

«Azamattarğa arnalğan ükimet» memlekettik korporaciyasınıñ Basqarma törağası Abılayhan Ospanovtıñ aytuınşa, alğaşqı ret tüngi sağat 12-ge deyingi jwmıs kestesi iske qosılğan Sauran, 7 mekenjayındağı astanalıq Halıqqa qızmet körsetu ortalığı qazirgi kezde barşağa tanımal.

«Biz pilottıq jobağa mwqiyat monitoring jürgizdik. Onı iske qosqan sätten bastap sağat 20:00 men 24:00 aralığı kezeñinde memlekettik qızmet körsetuge şamamen eki mıñ ötiniş qabıldanıp, 506 qwjat berilgen. Osınday swranıstı körip, biz tün ortasına deyingi jwmıs kestesin Şımkent jäne Almatı qalalarındağı bölimderde de engizudi şeştik, sebebi bwl eki qala halıq sanı boyınşa eñ ülken qalalar», - dedi A.Ospanov.

Sonımen jwmıs kestesi düysenbi men jwma aralığında sağat 08:00-den 24:00-ge deyingi front-ofister Astana qalası, Sauran 7, Almatı qalası, Äuezov audanı, Jandosov köşesi, 51, Şımkent qalası, Qaratau audanı, Nwrsat möltek audanı, 24 mekenjayları boyınşa ornalasqan.Senbi küni sağat 20:00-ge deyin jwmıs isteydi.

 “The Qazaq Times”