Ötken aptada elimizdiñ Sırtqı ister ministrligi Qıtaydıñ sırtqı sayasi vedomstvosımen kelissöz jürgizgen. Taraptar arasındağı jiın Beyjiñ qalasında ötipti. Mañızdı basqosuda eki jaq konsuldıq saladağı ıntımaqtastıqtı, qos el azamattarınıñ qwqıqtarı men müddelerin qorğau mäselelerin talqılağan. Bwl turalı QR SİM baspasöz qızmeti habarladı.

Qazaqstannan barğan delegaciyanı basqarğan konsuldıq qızmet departamentiniñ direktorı Ardaq Mädiev qıtaylıq äriptesinen qos azamattıq üşin qolğa tüsken etnikalıq qazaqtardı bosatudı swraptı. Öz kezeginde qıtaylıq tarap bwl mäseleni şeşudiñ ortaq amalın oylastıruğa uäde bergen. Odan bölek, qos memlekettiñ diplomattarı elder arasındağı vizalıq rejimdi jeñildetu mäselesin de qauzağan körinedi. Olar eki eldiñ halıqaralıq äuejaylarında Qazaqstan jäne Qıtay azamattarınıñ kelip-ketu jäne tranzitpen ötu tärtibi turalı aqparat almasqan.

Osığan deyin, Qazaqstan prezidenti Nwrswltan Nazarbaev mausım ayınıñ basında Qıtayğa issaparmen baratının habarlağanbız. Memleket basşısı etnikalıq qazaqtardıñ jayın osı saparı kezinde tilge tiek etedi degen ümit basım.

“The Qazaq Times”