Foto: mediakuzbass.ru

Qızılorda jäne Oñtüstik Qazaqstan oblıstarında mwnay wrlau isine qatıstı sot procesi ötip jatır. Memlekettik ayıptauşı küdikti dep tanılğan 21 adamğa jaza merzimin tağayındaudı swradı. Prokuror wyımdasqan qılmıstıq toptıñ müşelerine kemi 10 jıl ükim kesudi ötinse, olardıñ sıybaylastarın 6 jılğa türmege qamaudı jön dep sanaydı. Bwl turalı "Kızılordinskie vesti" basılımı habarladı.

Küdiktilerdiñ arasında käsipkerler, mwnay kompaniyaları men küzet mekemeleriniñ qızmetkerleri jäne olarğa järdemdesken qwqıq qorğau organdarınıñ lauazımdı twlğaları bar.

Osı twsta, Qızılorda oblısı boyınşa İİD wyımdasqan qılmıspen küres basqarmasınıñ bwrınğı basşısı Berik Ötenovti 10 jılğa sottauı mümkin. Prokurorlar bwl jazanı ädiletti dep sanaydı.

2017 jılı 16 mamırda Qazaqstannıñ WQK işki ister ministrligimen birge elimizdiñ birqatar oblısında iri kölemdi arnayı operaciya jürgizip, mwnaydıñ zañsız aynalımına qatısı bar qılmıstıq toptardı qolğa tüsirgen bolatın.

“The Qazaq Times”