قىزىلوردالىق پوليتسەي مۇناي ۇرلاعان

قىزىلوردا جانە وڭتۇستىك قازاقستان وبلىستارىندا مۇناي ۇرلاۋ ىسىنە قاتىستى سوت پروتسەسى ءوتىپ جاتىر. مەملەكەتتىك ايىپتاۋشى كۇدىكتى دەپ تانىلعان 21 ادامعا جازا مەرزىمىن تاعايىنداۋدى سۇرادى. پروكۋرور ۇيىمداسقان قىلمىستىق توپتىڭ مۇشەلەرىنە كەمى 10 جىل ۇكىم كەسۋدى وتىنسە، ولاردىڭ سىيبايلاستارىن 6 جىلعا تۇرمەگە قاماۋدى ءجون دەپ سانايدى. بۇل تۋرالى "كىزىلوردينسكيە ۆەستي" باسىلىمى حابارلادى.

كۇدىكتىلەردىڭ اراسىندا كاسىپكەرلەر، مۇناي كومپانيالارى مەن كۇزەت مەكەمەلەرىنىڭ قىزمەتكەرلەرى جانە ولارعا جاردەمدەسكەن قۇقىق قورعاۋ ورگاندارىنىڭ لاۋازىمدى تۇلعالارى بار.

وسى تۇستا، قىزىلوردا وبلىسى بويىنشا ءىىد ۇيىمداسقان قىلمىسپەن كۇرەس باسقارماسىنىڭ بۇرىنعى باسشىسى بەرىك وتەنوۆتى 10 جىلعا سوتتاۋى مۇمكىن. پروكۋرورلار بۇل جازانى ادىلەتتى دەپ سانايدى.

2017 جىلى 16 مامىردا قازاقستاننىڭ ۇقك ىشكى ىستەر مينيسترلىگىمەن بىرگە ەلىمىزدىڭ بىرقاتار وبلىسىندا ءىرى كولەمدى ارنايى وپەراتسيا جۇرگىزىپ، مۇنايدىڭ زاڭسىز اينالىمىنا قاتىسى بار قىلمىستىق توپتاردى قولعا تۇسىرگەن بولاتىن.

“The Qazaq Times”