Foto: Forbes.kz

Äzirge Almatıda jolayrıq salınatın orındı satıp alatın aqşa  joq. Bwl turalı qalalıq jer qatınastarı basqarması basşısınıñ orınbasarı Ardaq Samambetov mälimdedi. Onıñ aytuınşa, biılğı jılı 79 jer telimi iesine 2 mlrd teñge köleminde ötemaqı berilui tiis edi. Alayda respublikalıq byudjetten qajetti qarajat äli bölinbepti. Sondıqtan olar twrğındarğa ötemaqı töley almay otır eken.

Almatı qalası Jer qatınastarı basqarması basşısınıñ orınbasarı Ardaq Samambetov. Foto: 24.kz

"Biz osı jılı respublikalıq byudjetke tiisti byudjettik wsınıs jasağan bolatınbız. Alayda respublikalıq byudjettik komissiyanıñ şeşimi boyınşa, bizge qajetti aqşa berilgen joq. Sondıqtan ötemaqı twrğındarğa tölenbedi. Alayda biz ol swraqtı baqılauda wstap otırmız. Biıl tağı da tiisti byudjettik wsınıs beriledi. Twrğındarğa ötemaqını osı jılı töley almasaq, kelesi jılı beruge tırısamız!"

Ötken jılı qala biligi jolayrıq qwrılısına qajetti 28 jer telimin satıp alıptı. Ol üşin memlekettik qazınadan 1,9 mlrd teñge bölingen eken. Jospar boyınşa, äli 200-den asa üy sürilu kerek. Jolayrıq qwrılısın Almatı äkimdigi 2019 jılı ayaqtaymız degen. Alayda qarjı bölu mäselesi tap osılay siırqwyımşaqtana berse, onda uäde etilgen magistral' uaqıtılı salınbaytın sındı.

Twrğındar ötirik aytadı

Qalalıq jer qatınastarı basqarması basşısınıñ orınbasarı Ardaq Samambetov üyleri süriletin twrğındar jurnalisterge jalğan aqparat bergen deydi. Sözinşe, äkimdik tarapınan telim ielerine üyleriñdi jaqın arada bosatıñdar degen tapsırma berilmepti. Olar qajetti qarjı bölinbeyinşe, onday eskertu jasay almaymız degendi ayttı. Sondıqtan bar ayıptı twrğındardıñ öziderine artıp otır:

"Onday habarlama bolğan joq. Öytkeni, osınday habarlama berilu üşin tiisti byudjettik wsınıs qanağattandırıluı kerek. Aqşa tüspeyinşe, biz onday habarlama bere almaymız"

Jansügirov pen Seyfullin köşeleriniñ qiılısında ornalasqan üydi süru jwmıstarı. Foto: QT

Almatıda üyleri süriletin twrğındarğa ötemaqı berilmey jatqanın keşe habarlağan edik. Äkimdik uäde etken soñ, ondağı jwrt dünie-mülkin buıp-tüyip, basqa orınnan baspana qarastırıp ta qoyğan. Qojayındarımen kelisip, aldın ala kepilaqı tölep ülgeripti. Tipti aralarında 1 mln teñge bergenderi de bar eken. Biraq äkimdik ötemaqını keşiktirgen soñ, älgi qojayındarı üydi basqa adamdarğa satıp jiberipti.

“The Qazaq Times”