AQŞ memlekettik hatşısı Mayk Pompeo keşegi mälimdemesinde, kedergilerge qaramastan Tramp pen Kim arasındağı kezdesudiñ jospardağıday ötetinin mälimdedi. Keşe tüsten bwrın AQŞ pen Oñtüstik Koreya prezidentiniñ Aq üydegi kezdesuinde, Tramp Kim Joñ Unmen bolatın kezdesudi qalayda jüzege asıratının aytqan. Bwl turalı VOA News aqparattıq saytı habarlağan bolatın.

 Pompeonıñ mälimdemesine qarağanda, kedergilerge qaramastan kezdesu öz uaqıtında ötui mümkin. Äri, AQŞ memlekettik hatşısı osı mindetti öz üstine alğan. Degenmen, Pompeo kezdesudiñ kez-kelgen uaqıtta küşinen qaluı mümkin ekenin de joqqa şığarmadı.

AQŞ pen Soltüstik Koreya arasında damıp kele jatqan diplomatiyalıq qadamdar, birer apta bwrın tosın kedergilerge jolıqtı. Soltüstik Koreya tarabı AQŞ-tıñ yadrolıq qarusızdanu isin tezdetu turalı qısımına keri reakciya tanıtıp, kelissözden bas tartuı mümkin ekenin mälimdegen edi. Osıdan keyin, eki el basşıları arasında 12 mausım künine belgilengen kezdesu turalı küdik-kümän arta tüsken. Bwl mäsele Pompeonıñ är retki baspasöz mäjilisi kezinde swralatın taqırıpqa aynalıp otır.

“The Qazaq Times”