AQŞ-tağı prezident saylauınıñ nätijesi dau-şarğa wlasıp jatqanına qaramastan AQŞ memlekettik hatşısı Maykl Pompeo birqatar Europa jäne Orta Şığıs elderin aralap jür. Apta soñında at basın Parsı şığanağına tiregen Pompeo Katar ämiri Tamim ibn Hamid äl-Sani Pompeomen kezdesdi.

Pompoe äl-Sanimen halıqaralıq, öñirlik problemalardı talqılap, AQŞ pen Katardıñ qarım-qatınasın damıtudı taqırıp etken keñes ötkizdi. Söylesu kezinde Iran, Auğanstan mäseleleri de söz boldı.

SANA agenttiginiñ habarına qarağanda äl-Sani men Pompeo öñirdegi twraqtılıqtı qamtamasız etuge bağıttalğan joba-josparlardıñ qatarına jaña josparlardı engizu turalı talqılağan. AQŞ pen Katar biligi arasında naqtı qanday josparlar jasalıp jatqanı turalı anıq mälimet joq. Degenmen, öñirde AQŞ äskerleriniñ keskin qısqaruımen Uaşingtonnıñ Orta-Şığıs sayasatında özgeristerdiñ bolıp jatqanın şamalauğa boladı.

Pompeo kezekti saparın Franciyadan bastağan bolatın, artınşa Türkiya, Gruziya qatarlı birqatar elderde resmi saparda boldı.

“The Qazaq Times”