اقش مەملەكەتتىك حاتشىسى مايك پومپەو كەشەگى مالىمدەمەسىندە، كەدەرگىلەرگە قاراماستان ترامپ پەن كيم اراسىنداعى كەزدەسۋدىڭ جوسپارداعىداي وتەتىنىن مالىمدەدى. كەشە تۇستەن بۇرىن اقش پەن وڭتۇستىك كورەيا پرەزيدەنتىنىڭ اق ۇيدەگى كەزدەسۋىندە، ترامپ كيم جوڭ ۋنمەن بولاتىن كەزدەسۋدى قالايدا جۇزەگە اسىراتىنىن ايتقان. بۇل تۋرالى VOA News اقپاراتتىق سايتى حابارلاعان بولاتىن.

 پومپەونىڭ مالىمدەمەسىنە قاراعاندا، كەدەرگىلەرگە قاراماستان كەزدەسۋ ءوز ۋاقىتىندا ءوتۋى مۇمكىن. ءارى، اقش مەملەكەتتىك حاتشىسى وسى مىندەتتى ءوز ۇستىنە العان. دەگەنمەن، پومپەو كەزدەسۋدىڭ كەز-كەلگەن ۋاقىتتا كۇشىنەن قالۋى مۇمكىن ەكەنىن دە جوققا شىعارمادى.

اقش پەن سولتۇستىك كورەيا اراسىندا دامىپ كەلە جاتقان ديپلوماتيالىق قادامدار، بىرەر اپتا بۇرىن توسىن كەدەرگىلەرگە جولىقتى. سولتۇستىك كورەيا تارابى اقش-تىڭ يادرولىق قارۋسىزدانۋ ءىسىن تەزدەتۋ تۋرالى قىسىمىنا كەرى رەاكتسيا تانىتىپ، كەلىسسوزدەن باس تارتۋى مۇمكىن ەكەنىن مالىمدەگەن ەدى. وسىدان كەيىن، ەكى ەل باسشىلارى اراسىندا 12 ماۋسىم كۇنىنە بەلگىلەنگەن كەزدەسۋ تۋرالى كۇدىك-كۇمان ارتا تۇسكەن. بۇل ماسەلە پومپەونىڭ ءار رەتكى ءباسپاسوز ءماجىلىسى كەزىندە سۇرالاتىن تاقىرىپقا اينالىپ وتىر.

“The Qazaq Times”