Foto: worldbulletin.net

Bolgariya memleketiniñ Qauipsizdik ministri Krasimir Karakaçanov NATO men Europa Odağınan Resey men Türkiyanıñ Balqandağı ıqpalın azaytudı swrap, ündeu jasadı, dep habarlaydı 24heures.ch. 

Çernogoriya ükimeti, AQŞ elşiligi jäne NATO-nıñ bastamasımen Çernogoriyanıñ Budva qalasında wyımdastırılğan halıqaralıq qauipsizdik forumında söz alğan Bolgariya Qauipsizdik ministri K.Karakaçanov, Balqandağı elderdiñ äreketine baylanıstı Bolgariyağa töngen qauipke alañdaytının bildirdi.

«Sayasatımız aydan anıq. Müşelik mäselesiniñ naqtılanıp, aymaqtağı barlıq elderdiñ EO pen NATO müşesi bolğanın qalaymız. Eger, naqtı oylarımızdı wsınbasaq, ğasırlar boyı osı aymaqta ıqpalın jürgizuge tırısqan elder äreketke köşpek. Bwl jerde, biz Türkiya men Resey turalı aytıp otırmız. Eki el de 200 jıldan beri Balqanda», - dedi, K.Karakaçanov. Bryussel' sayasatınıñ arqasında Türkiya men Reseydiñ Batıs Balqanğa iritki salıp äri twraqsızdıq ornatu arqılı osındağı elderdiñ işki mäselelerine kiligip jürgenin tilge tiek etken Karakaçanov, EO-nıñ osı mäselege salğırt qaramauın swradı.

“The Qazaq Times”