QMDB janındağı «Qajılıq qorı» wyımdastırğan otandıq dizaynerler arasındağı qajılarğa arnalğan kiim ülgisi bayqauı öz märesine jetti. Bwl turalı QMDB-nıñ baspasöz qızmeti habarlaydı.

QMDB-nıñ habarlauınşa, bayqauğa 14 dizayner qatısqan. Wsınılğan jwmıstarğa bağa beruşiler kiimniñ ıstıq aua rayındağı qolaylılığı men onda wlttıq naqıştıñ boluına nazar audarğan. «Abıroy.kz» firması wsınğan kiim barlıq talaptarğa say dep tanılıp, bas jüldege ilikti. Jeñimpazğa Umra qajılığına barıp-qaytuğa tegin bilet berildi.

QMDB törağasınıñ orınbasarı Bauırjan Esmahannıñ aytuınşa, Qazaqstanda 18 qajılıq firması bar eken. «Bwl — qajılıq parızın öteuge attanğan otandastarımız 18 türli kiim kiedi degen söz. Sondıqtan da, birligimizdi körsetu üşin biregey kiim ülgisin qalıptastıru kerek boldı», - deydi ol.

Foto: ca-news.org

Endi elimizdegi barlıq qajılıq firmalar qajılıqqa baruşılarğa standarttı kiim ülgisin wsınatın boldı.

“The Qazaq Times”