AQŞ Memlekettik departamentiniñ eki kün bwrınğı mälimdemesinde, Soltüstik Koreyanıñ adam qwqıqtarı turalı bayandamaların sınğa alıp, Kim rejimin «Älemdegi eñ jirenişti jäne qanauşı rejimniñ biri» dep bağaladı. Bwl turalı VOA NEWS aqparattıq agenttigi öz saytında jazdı.

Bwnday ayıptaudıñ mañızdı äri salmaqtı bolatını, jaqın arada Qwrama Ştat prezidenti men Soltüstik Koreya basşısı arasında kezdesu bolmaq. Oğan qosa, Soltüstik Koreya basşısı özin älemge beybitşilikti jaqtauşı lider qatarında tanıtıp jatqan kezde jasalğan eskertu men ayıptau bolıp otır.

AQŞ Memlekettik departamentiniñ ökili Nol'te mälimdemesinde: «60 jıldan astam uaqıttan beri, Soltüstik Koreya halqı ärdayım öz ömirin adam qwqıqtarı taptalğan auır jağdayda ötkizip keledi», – dedi.

AQŞ prezidenti Tramp pen KHDR eñ joğarı basşısı Kim Joñ Un aldağı aptada köpten kütilgen tarihi kezdesuge dayındaluda. Osı twsta, Soltüstik Koreyağa bağıttalğan eskertu kezdesu nätijesine ıqpal etedi degen alañdauşılıqtar da aytıluda.

“The Qazaq Times”