Keşe, 7 säuir küni Qıtaydıñ äue küşterine qarastı 15 äskeri wşağı Tayuannıñ (Tayvan') Oñtüstik-Batıs äue qorğanısın identifikaciyalau aymağına kirdi. Beyjiñniñ äue küşteri arqılı jasağan qısımdarı Tayuan men onıñ aynalasındağı Tınıq mwhitı elderin alañdatuda. AQŞ Memlekettik departamenti sol küni bwl turalı arnayı mälimdeme jasap, Qıtaydıñ Aziya-Tınıq mwhitı aymağındağı körşilerin qorqıtu äreketterine alañdauşılı bildirdi. Sonday-aq, öñirdiñ qauipsizdigi men twraqtılığın saqtau üşin öziniñ odaqtas serikterimen tığız ıntımaqtastıqtı jalğastıratının ala tarttı.

AQŞ Mem. departament ökili öz eliniñ Tayuan qauipsizdigine basa män berip otırğanın bildirgen. «Qwrama Ştattar öziniñ wzaq merzimdik müddelerin saqtau negizinde, «Tayuan qatınastarı turalı» zañda körsetilgendey, AQŞ Tayuan halqınıñ qauipsizdigine nemese äleumettik-ekonomikalıq jüyesine qauip töndiru üşin jasalğan kez-kelgen küş qoldanu nemese mäjbürleu äreketterine qarsı qabiletin saqtay beredi», – dedi Memlekettik departament ökili Eduard Prays.

Bwnımen Qıtay wşaqtarı alğaş ret Tayuan äue küşteriniñ şarlau aymağına kirip otırğan joq. Bıltır jıl soñınan beri bwnday äreketter jii qaytalanuda. Degenmen, bir mezgilde 15 äskeri wşaqtıñ Tayuan keñistiginde payda boluı sirek bolıp keldi. Amerikalıq äskeri sarapşılar bwnı Qıtaydıñ Tayuan äue küşterine qısım jasay otırıp, olardıñ qarsılasuğa degen erlik-jigerin mwqaltu äreketi dep sanaydı.

Tayuan qauipsizdigi AQŞ pen Qıtay arasında teñdey asa sezimtal mäselege aynaldı. Eki eldiñ tehnologiyalıq damuı üşin Tayuannıñ mañızı asa zor bolğandıqtan qazir AQŞ pen Qıtaydıñ qaqtığıs nüktesi de Tayuan boladı degen boljamdar köp.

“The Qazaq Times”