تاريحي كەزدەسۋ قارساڭىندا اقش ۇكىمەتى ارتىق قادام جاسادى

اقش مەملەكەتتىك دەپارتامەنتىنىڭ ەكى كۇن بۇرىنعى مالىمدەمەسىندە، سولتۇستىك كورەيانىڭ ادام قۇقىقتارى تۋرالى باياندامالارىن سىنعا الىپ، كيم رەجيمىن «الەمدەگى ەڭ جيرەنىشتى جانە قاناۋشى رەجيمنىڭ ءبىرى» دەپ باعالادى. بۇل تۋرالى VOA NEWS اقپاراتتىق اگەنتتىگى ءوز سايتىندا جازدى.

بۇنداي ايىپتاۋدىڭ ماڭىزدى ءارى سالماقتى بولاتىنى، جاقىن ارادا قۇراما شتات پرەزيدەنتى مەن سولتۇستىك كورەيا باسشىسى اراسىندا كەزدەسۋ بولماق. وعان قوسا، سولتۇستىك كورەيا باسشىسى ءوزىن الەمگە بەيبىتشىلىكتى جاقتاۋشى ليدەر قاتارىندا تانىتىپ جاتقان كەزدە جاسالعان ەسكەرتۋ مەن ايىپتاۋ بولىپ وتىر.

اقش مەملەكەتتىك دەپارتامەنتىنىڭ وكىلى نولتە مالىمدەمەسىندە: «60 جىلدان استام ۋاقىتتان بەرى، سولتۇستىك كورەيا حالقى ءاردايىم ءوز ءومىرىن ادام قۇقىقتارى تاپتالعان اۋىر جاعدايدا وتكىزىپ كەلەدى»، – دەدى.

اقش پرەزيدەنتى ترامپ پەن كحدر ەڭ جوعارى باسشىسى كيم جوڭ ۋن الداعى اپتادا كوپتەن كۇتىلگەن تاريحي كەزدەسۋگە دايىندالۋدا. وسى تۇستا، سولتۇستىك كورەياعا باعىتتالعان ەسكەرتۋ كەزدەسۋ ناتيجەسىنە ىقپال ەتەدى دەگەن الاڭداۋشىلىقتار دا ايتىلۋدا.

“The Qazaq Times”