Franciya men AQŞ prezidentteri. Foto: Radio Svoboda.

Franciyanıñ prezidenti Emmanuel' Makron 23 säuir küni Uaşingtonğa (Vaşington) barıp, Qwrama Ştattağı memlekettik saparın bastamaq. Bwl saparında AQŞ ükimet basşılarımen sauda baylanıs, Süriya jäne Iran mäseleleri turalı keñespek. Bwl turalı VOA aqparattıq saytı habarladı.

Franciya prezidenti Makron amerikalıq «Fox News» arnasınıñ swhbatın qabıldağanda, ol prezidenti Trampqa bir tüp emen ağaşın sıylıq retinde ala baratının, ol prezident Tramptıñ bwl ağaştı eki el dostığınıñ simvolı retinde qabıldauın jäne Aq üy aulasında Franciya men AQŞ arasındağı berik qatınastıñ ayğağı retinde ösip türuin ümit etetinin jetkizgen.

Makron eki el dostığı sonau Amerika revolyuciya soğısı kezinen bastalğanın da atap ötken.

Makronnıñ saparı Tramp taqqa otırğannan bergi şeteldik liderlerdiñ AQŞ-qa jasağan alğaşqı memlekettik saparı bolmaq. Habarğa qarağanda,  AQŞ uaqıtımen 23 säuir keşte Tramp Makron men onıñ hanımın keşki asqa wsınıs etken. Al seysenbi küni Aq üyde eki eldiñ ükimet basşıları qatısqan kölemdi qonaqası bolmaq. 25 säuir küni Makron AQŞ Kongresinde bayandama jasaydı.

“The Qazaq Times”