فرانتسيا مەن اقش پرەزيدەنتتەرى. فوتو: راديو سۆوبودا.

فرانتسيانىڭ پرەزيدەنتى ەممانۋەل ماكرون 23 ءساۋىر كۇنى ۋاشينگتونعا (ۆاشينگتون) بارىپ، قۇراما شتاتتاعى مەملەكەتتىك ساپارىن باستاماق. بۇل ساپارىندا اقش ۇكىمەت باسشىلارىمەن ساۋدا بايلانىس، ءسۇريا جانە يران ماسەلەلەرى تۋرالى كەڭەسپەك. بۇل تۋرالى VOA اقپاراتتىق سايتى حابارلادى.

فرانتسيا پرەزيدەنتى ماكرون امەريكالىق «Fox News» ارناسىنىڭ سۇحباتىن قابىلداعاندا، ول پرەزيدەنتى ترامپقا ءبىر ءتۇپ ەمەن اعاشىن سىيلىق رەتىندە الا باراتىنىن، ول پرەزيدەنت ترامپتىڭ بۇل اعاشتى ەكى ەل دوستىعىنىڭ سيمۆولى رەتىندە قابىلداۋىن جانە اق ءۇي اۋلاسىندا فرانتسيا مەن اقش اراسىنداعى بەرىك قاتىناستىڭ ايعاعى رەتىندە ءوسىپ ءتۇرۋىن ءۇمىت ەتەتىنىن جەتكىزگەن.

ماكرون ەكى ەل دوستىعى سوناۋ امەريكا رەۆوليۋتسيا سوعىسى كەزىنەن باستالعانىن دا اتاپ وتكەن.

ماكروننىڭ ساپارى ترامپ تاققا وتىرعاننان بەرگى شەتەلدىك ليدەرلەردىڭ اقش-قا جاساعان العاشقى مەملەكەتتىك ساپارى بولماق. حابارعا قاراعاندا،  اقش ۋاقىتىمەن 23 ءساۋىر كەشتە ترامپ ماكرون مەن ونىڭ حانىمىن كەشكى اسقا ۇسىنىس ەتكەن. ال سەيسەنبى كۇنى اق ۇيدە ەكى ەلدىڭ ۇكىمەت باسشىلارى قاتىسقان كولەمدى قوناقاسى بولماق. 25 ءساۋىر كۇنى ماكرون اقش كونگرەسىندە بايانداما جاسايدى.

“The Qazaq Times”