Foto: yenicag.ru

Wlıbritaniya prem'er-ministri Tereza Mey, Süriyada bolğan äskeri operaciyağa baylanıstı ötken Parlament otırısında Wlıbritaniyanıñ Süriyadağı ortaq äue şabuılına qatısuına «odan da köp adam zardap şekpes üşin zañdı jäne mädeni türde dwrıs äreket ettik» , - dep tüsinik bergen. Bwl turalı Bi-Bi-Si. Habarlaydı.

Mey öz sözinde Dumadağı şabuıldıñ artında Asad ükimetiniñ twrğandığına qatıstı qoldarında «naqtı dälel» bar ekenin de aytqan. AQŞ, Wlıbritaniya jäne Franciya siyaqtı birqatar memleketter Dumağa himiyalıq şabuıl jasalğandığı turalı pikirden qaytpaydı. Alayda, Süriya men Resey bwl pikirlerdi joqqa şığaruda. Tereza Mey, jiın barısında osı mäselege qatıstı özine qoyılğan swraqtarğa jauap berip, Wlıbritaniyanıñ barlıq diplomatiyalıq qatınastarın paydalanuğa tırısqanın, alayda «bağıtı ayqın jäne ölşeuli bir äskeri operaciyadan basqa tañdau qalmağanın» da şegelep aytqan.
Üş sağatqa sozılğan jiında Mey, Wlıbritaniyanıñ müddesine bağıttalğan äskeri operaciyağa köşkenin aytıp, «Bwnı prezident Tramp bizden qalağandıqtan emes, eñ dwrıs qadam osı bolğandıqtan jasadıq» , - degen. Ol, himiyalıq şabuılğa qatıstı: «Mwnday şabuıl wyımdastıru basqa eşqanday toptıñ qolınan kelmes edi» , - dep, Asad ükimetin de astarlı türde sözge qosqan.

“The Qazaq Times”