ۇلىبريتانيا پرەمەر-ءمينيسترى تەرەزا مەي، ءسۇريادا بولعان اسكەري وپەراتسياعا بايلانىستى وتكەن پارلامەنت وتىرىسىندا ۇلىبريتانيانىڭ سۇرياداعى ورتاق اۋە شابۋىلىنا قاتىسۋىنا «ودان دا كوپ ادام زارداپ شەكپەس ءۇشىن زاڭدى جانە مادەني تۇردە دۇرىس ارەكەت ەتتىك» ، - دەپ تۇسىنىك بەرگەن. بۇل تۋرالى بي-بي-سي. حابارلايدى.

مەي ءوز سوزىندە دۋماداعى شابۋىلدىڭ ارتىندا اساد ۇكىمەتىنىڭ تۇرعاندىعىنا قاتىستى قولدارىندا «ناقتى دالەل» بار ەكەنىن دە ايتقان. اقش، ۇلىبريتانيا جانە فرانتسيا سياقتى بىرقاتار مەملەكەتتەر دۋماعا حيميالىق شابۋىل جاسالعاندىعى تۋرالى پىكىردەن قايتپايدى. الايدا، ءسۇريا مەن رەسەي بۇل پىكىرلەردى جوققا شىعارۋدا. تەرەزا مەي، جيىن بارىسىندا وسى ماسەلەگە قاتىستى وزىنە قويىلعان سۇراقتارعا جاۋاپ بەرىپ، ۇلىبريتانيانىڭ بارلىق ديپلوماتيالىق قاتىناستارىن پايدالانۋعا تىرىسقانىن، الايدا «باعىتى ايقىن جانە ولشەۋلى ءبىر اسكەري وپەراتسيادان باسقا تاڭداۋ قالماعانىن» دا شەگەلەپ ايتقان.
ءۇش ساعاتقا سوزىلعان جيىندا مەي، ۇلىبريتانيانىڭ مۇددەسىنە باعىتتالعان اسكەري وپەراتسياعا كوشكەنىن ايتىپ، «بۇنى پرەزيدەنت ترامپ بىزدەن قالاعاندىقتان ەمەس، ەڭ دۇرىس قادام وسى بولعاندىقتان جاسادىق» ، - دەگەن. ول، حيميالىق شابۋىلعا قاتىستى: «مۇنداي شابۋىل ۇيىمداستىرۋ باسقا ەشقانداي توپتىڭ قولىنان كەلمەس ەدى» ، - دەپ، اساد ۇكىمەتىن دە استارلى تۇردە سوزگە قوسقان.

“The Qazaq Times”