Foto: bbc.com

"Europalıq policiya agenttigi (Europol) bosqındardı zañsız jolmen özge elderge ötkizbekşi bolğan 65 mıñ qaşqındı izdestiru üstinde", - dep habarlaydı BBS aqparat agenttigi. Europol resmi ökili Robert Krepinko Franciyanıñ "AFP" aqparat agenttigine bergen arnayı swhbatında Europa Odağınıñ (EO) Türkiya men Liviyamen jasasqan kelisimşarttar nätijesinde Europa qwrlığına barğan immigranttardıñ sanınıñ azayğanına qaramastan, milliardtağan euro aynalımına ie kontrabandalıq toptıñ äli de bar ekenin aytqan.

 2015 jıldıñ qırküyek ayında Europoldıñ derekqorında 30 mıñ küdikti bolğan. 2016 jıldıñ soñında bwl körsetkiş 55 mıñğa jetken. 2017 jılı bwl tizimge 10 mıñ adam tağı qosılğan. Osı adamdardıñ arasında atı-jönderi jañadan anıqtalğan küdiktiler de bar körinedi. Europoldıñ mälimetteri boyınşa, atı-jönderi anıqtalğan qaşqındardıñ 63 payızı Europa elderiniñ azamattarı. Al olardıñ 45 payızı Oñtüstik Şığıs Europa elderinen ketken. Statistikağa säykes, tizimdegi adamdardıñ 14 payızı Orta Şığıstan kelgen. Olardıñ 13 payızı Afrika, 1 payızı Amerika qwrlığınan, al 9 payızı Şığıs Aziyadan qaşqan. Europoldıñ resmi mälimetine säykes, osı qaşqındar 2015 jılmen salıstırğanda 3 esege artqan eken.

“The Qazaq Times”