فوتو: bbc.com

"ەۋروپالىق پوليتسيا اگەنتتىگى (Europol) بوسقىنداردى زاڭسىز جولمەن وزگە ەلدەرگە وتكىزبەكشى بولعان 65 مىڭ قاشقىندى ىزدەستىرۋ ۇستىندە", - دەپ حابارلايدى ببس اقپارات اگەنتتىگى. Europol رەسمي وكىلى روبەرت كرەپينكو فرانتسيانىڭ "AFP" اقپارات اگەنتتىگىنە بەرگەن ارنايى سۇحباتىندا ەۋروپا وداعىنىڭ (ەو) تۇركيا مەن ليۆيامەن جاساسقان كەلىسىمشارتتار ناتيجەسىندە ەۋروپا قۇرلىعىنا بارعان يمميگرانتتاردىڭ سانىنىڭ ازايعانىنا قاراماستان، ميللياردتاعان ەۋرو اينالىمىنا يە كونتراباندالىق توپتىڭ ءالى دە بار ەكەنىن ايتقان.

 2015 جىلدىڭ قىركۇيەك ايىندا ەۋروپولدىڭ دەرەكقورىندا 30 مىڭ كۇدىكتى بولعان. 2016 جىلدىڭ سوڭىندا بۇل كورسەتكىش 55 مىڭعا جەتكەن. 2017 جىلى بۇل تىزىمگە 10 مىڭ ادام تاعى قوسىلعان. وسى ادامداردىڭ اراسىندا اتى-جوندەرى جاڭادان انىقتالعان كۇدىكتىلەر دە بار كورىنەدى. ەۋروپولدىڭ مالىمەتتەرى بويىنشا، اتى-جوندەرى انىقتالعان قاشقىنداردىڭ 63 پايىزى ەۋروپا ەلدەرىنىڭ ازاماتتارى. ال ولاردىڭ 45 پايىزى وڭتۇستىك شىعىس ەۋروپا ەلدەرىنەن كەتكەن. ستاتيستيكاعا سايكەس، تىزىمدەگى ادامداردىڭ 14 پايىزى ورتا شىعىستان كەلگەن. ولاردىڭ 13 پايىزى افريكا، 1 پايىزى امەريكا قۇرلىعىنان، ال 9 پايىزى شىعىس ازيادان قاشقان. ەۋروپولدىڭ رەسمي مالىمەتىنە سايكەس، وسى قاشقىندار 2015 جىلمەن سالىستىرعاندا 3 ەسەگە ارتقان ەكەن.

“The Qazaq Times”