Üş el basşısı Ankarada bas qostı. Foto: Anadolı.

Bügin Türkiyanıñ ortalıq qalası Ankarada Türkiya, Resey jäne Iran elderiniñ basşıları bas qospaq. Kezdesudiñ bastı taqırıbı Süriya mäselesi, ondağı sayasi şeşimder turalı boladı dep habarlauda türik aqparat qwraldarı.

Resey prezidenti Vladimir Putin men Iran prezidenti Hasan Ruhani Ankarağa barıp, Türkiya basşısı Erdoğanmen birge üş jaqtı kezdesu ötkizbek. Kezdesude Süriyanıñ territoriyalıq twtastığı, Astana procesiniñ jalğasuı, qaqtığıssız aymaqtardı twraqtandıru, oğan qosa mañızdı sayasi şeşimder men terrorizmge qarsı küres taqırıptarı talqılanbaq.

Türkiyanıñ «Anadolı» aqparattıq agenttiginiñ habarına qarağanda, üş jaqtı kezdesuden bir küni bwrın Türkiya men Resey arasında joğarı deñgeydegi ıntımaqtastıq keñesiniñ 7-şi otırısı Ankarada bolıp ötken. Eki el basşıları Türkiya men Resey arasındağı qarım-qatınastı auqımdı türde keñeytu turalı birqatar kelisimge kelgen. Bwl turalı habarlarğa qarağanda, Erdoğan men Putin ekonomikalıq baylanıstı tereñdetu, «Türik ağını» ekonomikalıq jobası, Akkuyu atom stansası jäne S-400 zımıranğa qarsı qorğanıs jüyesin satu-satıp alu mäseleleri talqılağan. Eki el prezidenti Akkuyu atom elektr-stansasınıñ irgetasın qalau räsimine qatısqan.

“The Qazaq Times”