Foto: https://cdnuploads.aa.com.tr

Resey wşaqtarı Idlibke äueden soqqı jasadı.

Politico mälimetinşe, Reseydiñ äue küşteri 4 audanğa soqqı bergen. Saldarınan 2 beybit twrğın qaza tauıp, ondağan azamat jaraqat aldı. Qazir oqiğa ornında azamattıq qorğanıs brigadaları zardap şekken twrğındarğa medicinalıq kömek körsetip, üyindi astında qalğandardı qwtqarıp jatır.

22 qazanda Resey men Türkiya prezidentteri Soçide ötken kezdesude Süriyanıñ soltüstik-şığısındağı jağdaydı retteu boyınşa birlesken äreketter turalı memorandum qabıldadı. Kürd qarulı küşterine 29 qazanda Türkiya şekarasınan oñtüstikke qaray 30 şaqırımdıq aymaqtı tolığımen bosatu tapsırıldı. Ul'timatumnıñ ayaqtalğan küni Reseydiñ qorğanıs ministri Sergey Şoygu kürd qarulı qwrılımdarınıñ qauipsizdik aymağınan şığarıluı merziminen bwrın ayaqtalğanın habarladı.

Keyinnen Resey Süriyanıñ soltüstik-batısında ornalasqan Idlib provinciyasında terrorlıq toptarğa qarsı äskeri operaciyanı qolğa alğan bolatın.

"The Qazaq Times"