Foto: ca-news.org

26 naurız ben 1 säuir aralığında Türkmenstanda özbek-türikmen ükimetaralıq komissiyasınıñ jwmıs tobınıñ kezekti otırısı bolıp ötti. "Atalğan kezdesu Türkimenstan men Özbekstan arasındağı memlekettik şekaranı demarkaciyalau jäne jürgizu mäselesine bağıtalğan" , - dep habarlaydı Özbekstan Sırtqı ister ministrliginiñ baspasöz qızmeti.

Kezdesu barısında özbek-türikmen memlekettik şekarasınıñ jekelegen bölikterindegi atqarılğan topograf-geodeziyalıq ortaq jwmıstardıñ nätijeleri qaralıp,  onı 2018 jılğa arnalğan Grafiktik-jospar negizinde jalğastıru üşin kelisimşart jasaldı. Kelissöz qorıtındısı boyınşa kelisimşartqa qol qoyılğan.

Özderiñizge belgili, Horezm, Kaşkadar'ya jäne Bwhara oblıstarı, sonımen qatar Qaraqalpaqstan respublikası Türkimenstanmen şektesedi. Eki el arasındağı şekaranıñ jalpı wzındığı 1650 şaqırımdı qwraydı. Osı şekarağa qatıstı eki el arasında birqatar mäsele äli öz şeşimin tappay kelgen edi. Endi eki el ökilderi, aldağı josparları arqılı birjaqtı şeşimge toqtaudan ümitti.

“The Qazaq Times”