Foto: Reuters

Süriya memlekettik aqparat agenttikteri men tilşileri Şığıs Gutada qalğan "Jeyş äl-Islam" (Islam äskeri) attı soñğı köterilisşiler tobınıñ atalğan aymaqtan ketetinderine qatıstı Süriyamen kelisimge kelgenin habarlauda.

Ekijaqtı kelisözderge arnalğan kezdesulerde "Jeyş äl-Islam" tobınıñ Şığıs Gutadan şığarıluına qatıstı mäsele jan-jaqtı talqılanğan. Süriya memlekettik agenttigi "Sana" (SANA), "Jeyş äl-Islam" tobınıñ Alepponıñ soltüstigine ketetinin habarlağanmen, Londonda ornalasqan äri osı oppoziciyalıq topqa birtaban jaqın sanalatın Süriya Adam qwqıqtarı jönindegi ğılımi mekemesi atalğan toptıñ Süriyanıñ Äl-Bab qalasına qaray bet alatının aytqan. Eger osı mälimet rastalsa, Süriya prezidenti Başar Asad el astanası Şamğa (Damask) jaqın jerdegi eñ soñğı köterilisşiler tobına tiesili bekinisti de alıp, öte mañızdı äskeri-sayasi jetistikke jetken bolıp sanaladı. Sonday-aq, Süriya memlekettik telearnaları atalğan toppen birge onıñ qaru-jaraqtarınıñ da tärkilenetinin habarlap otır.

"Hizbullah" livandıq şiittik äskeri wyımına jaqtas aqparat wyımı da osı kelisimniñ öte jaqın künderi jüzege asırılatının mälimdedi. Sonımen qatar, köterilisşiler tobınıñ beti qaytarılğannan keyin Süriya ükimetiniñ maqwldauımen jergilikti bir keñestiñ qwrılatını da belgili boldı.

Foto: Reuters

Süriyadağı qaqtığıs uşıqqan aymaqtardı baqılauğa jauaptı Iran, Resey jäne Türkiyanıñ köterilisşi toptıñ qolındağı äskeri twtqındarınıñ azat etiluleri üşin kömekke keletindikteri habarlanğan.  Degenmen, Reyter (Reuters) aqparat agenttigi qoyğan swraqtarğa jauap bergen wyımnıñ sayasi belsendisi osı aytılğandardıñ bärin joqqa şığarıp: "mwnday jañalıqtarmen "psihologiyalıq soğıs" jürgizuge tırısuda" , - degen.

Qazirgi uaqıtta Süriya biligi altı aptadan beri jalğasqan bombalau äreketteriniñ artınşa Şığıs Gutanıñ 95 payızın baqılauğa alğan. Süriya Adam qwqıqtarı jönindegi ğılımi mekeme osı bombalau äreketteri kezinde 1.600 beybit twrğınnıñ qaza tapqanın habarladı. Keybir sarapşılardıñ Süriya ükimeti men atalğan köterilisşiler tobınıñ arasındağı kelisim arqılı Şığıs Gutada soñğı aptalarda barlığı 46 mıñ twrğın men äskeri qızmetkerlerdiñ  köşirilgenin boljauda.

“The Qazaq Times”