Foto: worldbulletin.net

Süriyanıñ Afrin qalasına qarastı äl-Djaviz auılında "Kürdterdiñ halıqtıq qorğau otryadı" (YPG) wyımınıñ kesirinen mektepke bara almağan balalar "Zäytün bwtağı" operaciyası arqılı aymaqtıñ terrordan tazartıluına baylanıstı eki jılğa juıq üzilisten keyin qaytadan mektep tabaldırığın attadı.

Türkiya Qarulı Küşteri jürgizgen operaciyanıñ arqasında terrorlıq wyımnan qwtqarılğan Süriyanıñ Afrin aymağındağı mektepter qayta jöndelude. Sonıñ işinde, äl-Djaviz auılındağı 160 orındıq mektep te parta, taqta jäne balalar alañı siyaqtı qajetti qwraldarmen jadbıqtaldı. Qwtqaruşı top tek balalardı ğana emes, sonımen qatar mektep wstazdarın da keñse tauarları jäne kiim-keşekpen qamtamasız etti.

Sonşama jıl üzilisten keyin qoñırau dauısı estilgen mektep alañında süriyalıq oquşılar özderine jasalğan jaqsılıqtıñ qarımtası retinde Türkiya jalauların jelbiretude.

Mektep oqıtuşılarınıñ biri Uday Ibrahim wyımnıñ bwl aymaqta arab älipbiiniñ ornına latın älipbiin mäjbürlep oqıtuğa tırısqandarın, osığan baylanıstı balalar men ata-analardıñ qiın jağdayda qalğandıqtarın aytıp: "Bwl jağday Afrindegi özge de oqu ortalıqtarınıñ da basında bar. "Kürdterdiñ halıqtıq qorğau otryadı" (YPG) wyımınıñ kesirinen balalar sabaqtan qol üzdi. Olar balalarğa arabşa emes, kürd tilinde bilim beruge tırıstı. Eski dästürdi bwzıp, älipbige deyin özgertip, balalarğa müldem basqa närseler üyretpekşi boldı. Sondıqtan arab wltınan twratın auıl halqı balaların mektepke jibermey qoyğan edi. Türkiya bwl jerdi terrorlardan tazarttı, olarğa rizaşılığımız şeksiz" , - dedi.

“The Qazaq Times”