Täjikstan ükimeti wttıq ülgidegi kiimderdi ügittedi. Foto: TAJIK CULTURE MINISTRY/ASIA-PLUS/BBC.

Täjikstannıñ Mädeniet ministrligi jaña joba dayındap, eldegi äyelderge kiinu mädenietin üyretpek. Bwl turalı Asia-Plus aqparattıq agenttigi habarlaydı.

Sarapşılardıñ pikirinşe, täjik ükimeti islam dinine tän dep sanalğan kiimderge tıyım saluğa tırısıp keledi. Alayda ükimettiñ jasap jatqan şaralarına qaramastan, halıqtıñ dini közqarasımen islam dinine tän kiimderdi kiyu dağdısı özgermegen.

Atalğan eldiñ Mädeniet ministrligi «Wsınıstar kitabın» qwrastırıp şığardı. Onda ärtürli jastağı äyelderdiñ kiim ülgileri körsetilgen. Bwl arqılı Täjikstan ükimeti eldegi äyelderge qara tüsti köylekter men hidjab kimeudi däriptedi. 

Mädeniet ministrliginiñ wsınısında Batıs mädenietine tän kiimder de şektelgen. Aytalıq qısqa beldemşe, aşıq-şaşıq kiimderdi kiyuge de şekteu qoyılğan. Ministrliktiñ wsınısında täjiktiñ wlttıq boyauı basım ülgidegi kiim-keşek köbirek däriptelipti.

Atalğan «Wsınıstar kitabında»: «Deneni aşıq körsetip twratın kiimder, denege jabısqan şalbar-köylekterdi jäne densaulıqqa ziyandı sintetika kiimderdi kiip, äleumettik ortalarğa barudan bas tartuğa şaqıramız», – dep jazılğan.

Ministrliktiñ bwl wsınısı Täjikstandağı äleumettik jelilerde küşti talqınıñ taqırıbına aynaldı. Äleumettik pikirlerdiñ basım köbi wlttıq ülgidegi kiimderdi jaqtağanımen, bwl kiimderdiñ bağası qımbat, köpşilikke birdey qoljetimdi emes ekenin alğa tarttı. Sonıñ arasında "Ministrlik tegin kiim tarata ma eken?!" degen mısqıldar da jürdi. 

Täjikstanda jwmıssızdıq mäselesi wzaq uaqıttan beri şeşim tappağan mäseleniñ biri. Migraciyalıq ağım, kedeyşilik te köpten beri el biliginiñ bas auruı bolıp keledi. Sondıqtan da biliktiñ bwl wsınısın sınğa alğan pikirler basım tüsti. Olar ükimettiñ äueli äleumettik qiınşılıqtardı şeşpey jatıp, qisınsız reformalardı jasağalı otırğanın ayıptauda. 

“The Qazaq Times”