Foto: centralasian.org

Özbekstan Wlttıq qauipsizdik qızmetiniñ (14 naurızdan bastap Memlekettik qauipsizdik qızmeti bolıp özgerdi) törağa orınbasarı bolğan 53 jastağı general Şuhrat Taşpulatovqa qarsı qılmıstıq is qozğaldı, dep habarladı Ortalıq Aziya jañalıqtar qızmeti.

Ozodlik derekköziniñ habarlauınşa, Şuhrat Taşpulatov äskeri prokuraturanıñ swrauı boyınşa aqpan ayında WQQ törağasınıñ orınbasarı bolğan Şuhrat Gulyamovtıñ isi ayasında wstalğan. Oğan qanday ayıp tağılğanı äzirge belgisiz.

Şuhrat Taşpulatov 2017 jıldıñ şilde ayınan beri WQQ törağa orınbasarı äri Taşkent oblıstıq basqarma basşısı qızmetin atqarğan. Ol qızmetinen biıl qañtar ayında alınğan.

Qañtar ayında Özbekstan prezidenti Şavkat Mirziyaev Swrhandariya oblısına barğan saparı kezinde, Wlttıq qauipsizdik qızmetin qatañ sınğa alıp, ötken ğasırdağı 1937 jılğı repressiyağa teñegen. Osıdan keyin WQQ şeneunikteri jappay jwmıstan şığarılıp, twtqındala bastadı.

“The Qazaq Times”