Tereza Mey reseylik diplomattardı elden qudı. Foto: Golos Ameriki.

Wlıbritaniyanıñ BWW-dağı ökiliniñ orınbasarı särsenbi küni wyımnıñ mäjilisinde mälimdeme jasap, ulı zatpen qastandıq jasau isiniñ tekseru qorıtındısın ortağa saldı. Ol jäne bwl qastandıq isiniñ artında Reseydiñ twrğanın qaday ayttı. Bwl turalı VOA aqparattıq saytı habarladı.

BWW-dağı Wlıbritaniya ökiliniñ orınbasarı Alan Qauipsizdik keñesiniñ müşelerine: «Belgisiz bireuler Wlıbritaniyada soğısta tıyım salınğan asa ulı himiyalıq zattı paydalanıp qastandıq jasadı», – dep mälimdedi.

Bwrınğı reseylik agent Sergey Skripal' men onıñ 33 jastağı qızı YUliya Angliyanıñ Syursberi qalasında es-tüssiz küyinde tabılıp, auruhanağa jetkizilgen bolatın. Medicinalıq anıqtaudan keyin Skripal' men YUliyanıñ asa ulı zatpen ulanğanı jäne bwl ulı zat qoldanuğa tiım salınğan «noviçok» ekeni mälim boldı. Alğaşqı medicinalıq tekseru jasağan därigerler men oqiğa ornına aldımen jetken birneşe policiya qızmetkeri de jeñil därejede ulanğan.

Britaniya ökili sözinde: «Bwl qarapayım qılmıstıq is emes, bwl nağız zañsız küş qoldanu. Britaniya ükimeti tıyım salınğan ulı zattı anıqtaytın derbes zertteu tobı arqılı isti zertteu talabın qoyadı», – dedi.

Wlıbritaniyanıñ prem'er-ministri Tereza Mey keşe tüsten bwrın mälimdeme jasap, 23 reseylik diplomattı elden şığaratının mälimdedi.

Reseydiñ Birikken Wlttar Wyımındağı ökili Vasiliy Nebenzya Wlıbritaniyanıñ ayıptauların joqqa şığardı. Ol Qauipsizdik keñestiñ müşelerine bwl istiñ Reseymen qatısı joq ekenin aytıp aqtaldı. Ol sonday-aq, Wlıbritaniya qajet etse Resey tarabı tergeu isterine belsendi qoldau körsete alatının da mälimdedi. Ol sözinde: «Resey 1992 jılı himiyalıq qarudı damıtudı toqtatqan. Al, 2017 jıldıñ  qırküyek ayında himiyalıq qarulardıñ barlıq qorı joyılğan», – dedi.

“The Qazaq Times”