Putin: Qıtaymen jüyeli türde qadam basıp kelemiz

Resey prezidenti Vladimir Putin «Ülken jiırmalıq» sammiti qarsañında britandıq «Financial Times» basılımına swhbat berdi. Swhbatta aldağı sammit, Reseydiñ AQŞ jäne Qıtaymen qarım-qatınası, Süriyadağı operaciyalar jäne Sergey Skripal'diñ Solsberide ulanuı sındı älemdik sayasattağı özekti taqırıptar talqılanğan. Osığan baylanıstı tömende Vladimir Putinniñ negizgi pikirlerin wsınamız (swhbattıñ tolıq nwsqasın resmi Kreml' saytınan oqi alasızdar).

Donal'd Tramp sayasatı

«Tramp mırza mansap qualağan sayasatker emes. Öziniñ älemdegi jağdaylarğa qatıstı jeke közqarası men AQŞ-tıñ wlttıq müddelerine qarastı közqarası bar. Men, mısalı, Tramptıñ problemalardı şeşudegi täsilderin qwptamaymın. Biraq, ol – talanttı adam. Ol saylauşı halıqtıñ özinen ne kütip twrğanın jaqsı biledi, sezinedi».

Qıtay men Resey qarım-qatınası

«Bizge eş närsege qosıludıñ jäne özgelerge qarsı sayasat wstanudıñ eş qajeti joq. Resey men Qıtay birlesken türde eşkimge qarsı sayasat wstanbaydı. Biz ıntımaqtastıqtı damıtu jönindegi josparlarımızdı iske asırudamız. 2001 jıldan bastap jüzege asırıp, jüyeli türde qadam basıp kelemiz».

Soltüstik Koreya jaylı

«Soltüstik Koreyanıñ qauipsizdikti qamtamasız etu twrğısınan zañdarına, isterine qwrmetpen qarau kerek. Oğan qwrmet körsete otırıp, bizder de qauipsizdikti saqtauğa bağıttalğan osınday täsilderdi tabuımız qajet. Eger bwl jospar jüzege assa, mağan seniñiz, eşkim kütpegen tosın jağdaylar orın aladı».

Süriyadağı operaciya

«Biz kütkendegiden de ülken jetistikke qol jetkizdik. Birinşiden, Reseyge qayta oraludı josparlağan sodırlardıñ köp sanı joyıldı, – äñgime birneşe mıñ adam turalı. Olar Reseyde nemese vizalıq rejim joq körşiles elderde bas sauğalamaq boldı. Bwl biz üşin öte qauipti.

Ekinşiden, geografiyalıq jağınan jaqın öñirdegi jağdaydı twraqtandıruğa qol jetkizdik. Sayasatta bwl da öte mañızdı.

Üşinşiden, biz Reseydiñ el işindegi qauipsizdigin qamtamasız etuge qol jetkizdik.

Törtinşiden, aymaqtıñ barlıq elderimen jaqsı, iskerlik qarım-qatınas ornattıq jäne Tayau Şığıstağı wstanımımız twraqtı boldı. Biz şın mäninde öte jaqsı iskerlik, äriptestik baylanısqa qol jetkizdik. Tek Iran men Türkiya ğana emes, aymaqtıñ köptegen elderimen odaqtastıq qarım-qatınas ornadı».

Venesuela dağdarısı

«Men bizdiñ amerikalıq seriktesterimizge bwl turalı birneşe ret ayttım: Venesuelada bizdiñ äskerimiz joq. Tüsinesiz be? Mamandar bar, nwsqauşılar bar, iä, olar jwmıs isteydi. Bir apta bwrın ğana keñesşilerimiz ben mamandarımız sol jerden ketip qalğan. Biraz uaqıttan keyin qayta oraluı mümkin. Bwl qalıptı jağday.

Venesuelamen arada belgili bir uağdalastıqtarımız bar: wşaqtar keyde sol jerge wşadı, jattığuğa qatısadı. Barı osı. Biz, ne sonda, köterilisşilerdiñ äreketin baqılap nemese prezident Maduro is-qimıldarın basqarıp otırmız ba? Eldi prezident qana basqaradı. Jaqsı nemese jaman jağına keler bolsaq, bwl tipten basqa mäsele. Biz bwl mäselege bağa bermeymiz».

Britaniyamen qarım-qatınas

«Meniñ oyımşa, Resey de, Wlıbritaniya da qos tarap qarım-qatınasın tolıq formatta qalpına keltiruge müddeli. Öz basım qanday da bir alğaşqı qadamnıñ jasalatınına ümittenemin. Mey hanım lauazımınan ketetin jariyaladı. Sondıqtan ol qazir qanday da bir işki sayasi saldarlar turalı oylamay, dwrıs, mañızdı jäne qajet dep sanaytın äreketterge qadam basuı tiis».

Solsberidegi Skripal' isi

«Jalpı, satqındıq – jer betindegi eñ ülken qılmıs jäne satqındar jazalanuı tiis. Solsberide orın alğan jağday tärizdi jazalau kerek dep ayta almaymın. Biraq,satqındar jazalanuı kerek.

Bwl mırza, yağni Skripal' bwrın da jazalanğan. Ol qamauğa alındı, merzimin ötep, ketip qaldı. Ol jazalandı jäne eşqanday qızığuşılıq tudırmadı. Degenmen, satqındar jazalanuı tiis. Satqındıq – elestetuge qiın eñ auır qılmıs».

Reseydegi oligarhtar turalı

«Bizde oligarhtar joq. Oligarhtar – bwl öziniñ bilikke jaqındığın paydalanıp, tabıs tabu üşin qızmet etetinder. Bizde iri, jeke kompaniyalar, memleketke qaraytın kompaniyalar bar. Biraq men bilikke jaqındau arqılı qanday da bir preferenciyalardı paydalanatın iri kompaniyalardı bilmeymin, bizde onday is jüzinde joq».

Mwrager turalı

«Şınımdı aytayın, men 2000 jıldan bastap osı taqırıp turalı oylanıp kelemin. Uaqıt ötken sayın jağday özgeredi, adamdarğa degen talaptar da özgeredi. Sayıp kelgende, şeşimdi Resey halqı qabıldauı tiis».

Liberaldıq ideyalar turalı

«Men bärin dereu taratu, jabu, qiratu, twtqındau, qorlaudı jaqtauşılar qatarınan emespin. Liberaldı ideyanı joyuğa bolmaydı, ol ömir süruge qwqılı. Biraq, mwnı absolyuttik üstemdikke qwqılı dep sanaudıñ qajeti joq. Osını qaperde wstau kerek».

"The Qazaq Times"