ميانمادا مۇسىلماندارعا قاراتىلعان گەنوتسيد ءالى جالعاسۋدا

الەم ەلدەرىنىڭ قارسىلىعى مەن الاڭداۋشىلىعىنا قاراماستان ميانماداعى مۇسىلماندارعا جاسالعان گەنوتسيد قىرعىنشىلىق جالعاسۋدا. بۇنداي مالىمەتتى بۇۇ باس حاتشىسىنىڭ ادام قۇقىقتارى جونىندەگى ورىنباسارى انجرەۆ گيلموۋر جاسادى. ول ميانماداعى قىرعىنشىلىقتان بانگلادەشكە باس ساۋعالاي بارعان اراكاندا مۇسىلماندارىنىڭ لاگەرلەرىن ارالادى. بۇل تۋرالى «انادولى» اقپاراتتىق اگەنتتىگى حابارلادى.

گيلموۋر مالىمدەمەسىندە، قاقتىعىستار ازايعانىمەن، روحيندجا مۇسىلماندارىنا قاراتىلعان توناۋ، زورلاۋ، ادام بارىمتالاۋ قاتارلى ىستەردىڭ ءالى دە جالعاسىپ جاتقانىن العا تارتادى. ول سونىمەن بىرگە بانگلادەشكە جان ساۋعالاعان 700 مىڭنان استام روحيندجا حالقىنىڭ اشارشىلىقتا قالىپ وتىرعانىنا دا الاڭداۋشىلىق بىلدىرەدى.

ميانما مەن بانگلادەش ۇكىمەتتەرى اراسىندا بىلتىر 23 قاراشادا روحيندجا مۇسىلماندارىن مەكەندەرىنە قايتارۋ تۋرالى كەلىسىم جاسالعان. الايدا، بۇۇ وكىلى بۇل كەلىسىمنىڭ قۇرعاق ءسوز بولىپ وتىرعانىن سىنعا الادى. ول سوزىندە: «ميانماداعى قىرعىن استىرتىن جالعاسىپ جاتقان جاعدايدا، بۇل كەلىسىم تۋرالى اۋىز اشۋعا بولا ما؟ ارينە، بۇنداي ۋاقىتتا اراكان مۇسىلماندارى مەكەندەرىنە سەنىمدى تۇردە قايتۋعا باتىلدىق ەتە المايدى»، – دەدى.

“The Qazaq Times”