foto: aysor.am

Armeniya parlamenti jwma küngi saylauda Armen Sarkisyandı eldiñ jaña prezidenti etip sayladı, - dep habarlaydı Euronews aqparat agenttigi.

64 jastağı Sarkisyan kezinde Wlıbritaniyada Armeniyanıñ elşisi, sonımen qatar Armeniyanıñ prem'er-ministri qızmetterin atqarğan. Bügin ol 7 jıldıq merzimge saylandı.

Sarkisyannıñ prezident boluın parlament müşeleriniñ 90-ı qwptasa, 10-ı qarsı bolıp, bireui dauıs beruden bas tartqan.

Oppoziciya köşbasşılarınıñ boljauınşa, endi Serj Sarksyan eldiñ prem'er-ministri atanuı mümkin (prezident bolmas bwrın Armen Sarkisyan prem'er-ministr lauazımında bolğan).

Sarapşılardıñ pikirinşe, 3 mln-ğa juıq halqı bar Oñtüstik Kavkazda ornalasqan Armeniya tikeley demokratiyadan bas tartıp jatqan bwrınğı odaq jäne keybir Şığıs Europa elderin tolıqtay qoldaydı.

2015 jılı referendumda qabıldanğan Konstituciyağa säykes (tikeley prezident saylauın qajetsiz dep taptı), ümitker 75 payızdan astam dauıs jinağan jağdayda parlament prezidentti saylay aladı.

Armeniya KSRO qwramınan 1991 jılı bölinip şıqqan. Jergilikti halıq ükimetke jemqorlıqtıñ beleñ aluı men ekonomikanı dwrıs basqarmaytınına narazılıqtarın bildirude.

“The Qazaq Times”