ارمەنيا جاڭا پرەزيدەنتىن سايلادى

ارمەنيا پارلامەنتى جۇما كۇنگى سايلاۋدا ارمەن ساركيسياندى ەلدىڭ جاڭا پرەزيدەنتى ەتىپ سايلادى، - دەپ حابارلايدى Euronews اقپارات اگەنتتىگى.

64 جاستاعى ساركيسيان كەزىندە ۇلىبريتانيادا ارمەنيانىڭ ەلشىسى، سونىمەن قاتار ارمەنيانىڭ پرەمەر-ءمينيسترى قىزمەتتەرىن اتقارعان. بۇگىن ول 7 جىلدىق مەرزىمگە سايلاندى.

ساركيسياننىڭ پرەزيدەنت بولۋىن پارلامەنت مۇشەلەرىنىڭ 90-ى قۇپتاسا، 10-ى قارسى بولىپ، بىرەۋى داۋىس بەرۋدەن باس تارتقان.

وپپوزيتسيا كوشباسشىلارىنىڭ بولجاۋىنشا، ەندى سەرج ساركسيان ەلدىڭ پرەمەر-ءمينيسترى اتانۋى مۇمكىن (پرەزيدەنت بولماس بۇرىن ارمەن ساركيسيان پرەمەر-مينيستر لاۋازىمىندا بولعان).

ساراپشىلاردىڭ پىكىرىنشە، 3 ملن-عا جۋىق حالقى بار وڭتۇستىك كاۆكازدا ورنالاسقان ارمەنيا تىكەلەي دەموكراتيادان باس تارتىپ جاتقان بۇرىنعى وداق جانە كەيبىر شىعىس ەۋروپا ەلدەرىن تولىقتاي قولدايدى.

2015 جىلى رەفەرەندۋمدا قابىلدانعان كونستيتۋتسياعا سايكەس (تىكەلەي پرەزيدەنت سايلاۋىن قاجەتسىز دەپ تاپتى), ۇمىتكەر 75 پايىزدان استام داۋىس جيناعان جاعدايدا پارلامەنت پرەزيدەنتتى سايلاي الادى.

ارمەنيا كسرو قۇرامىنان 1991 جىلى ءبولىنىپ شىققان. جەرگىلىكتى حالىق ۇكىمەتكە جەمقورلىقتىڭ بەلەڭ الۋى مەن ەكونوميكانى دۇرىس باسقارمايتىنىنا نارازىلىقتارىن بىلدىرۋدە.

“The Qazaq Times”