foto: theguardian.com

Oñtüstik Koreya (Aziyanıñ eñ köp jwmıs isteytin halıqtarınıñ biri) ömir sapasın arttıru maqsatında qalıptı jwmıs sağatın qısqartu turalı zañ jobasın qıbaldadı, - dep mälimdedi The Guardian baspası.

Oñtüstik Koreyanıñ wlttıq assambleyası köpşilik dauıspen aptalıq 68 sağat jwmıs uaqıtın 52-ge qısqarttı. Zañ şilde ayında küşine enedi de, birinşi kezekte ülken kompaniyalarda sodan keyin kişi käsiporındarda qoldanıladı.

Zañğa käsipkerler qarsılıq tanıtqanımen, halıqtıñ ömir sapasın köterip, qosımşa jwmıs orındarın aşu jäne önimdilik deñgeyin arttıru maqsatında bwl dwrıs şeşim ekeni anıqtaldı. Sonımen qatar eldegi tuu deñgeyiniñ artuına da bwl şeşim ıqpal etedi degen boljam bar (ötken jılı eldegi tuu deñgeyi rekordtı minimaldı deñgeyge jetti).

Oñtüstik Koreyanıñ ekonomikası 80-90 jıldarı şarıqtap damıp, elde "tınbay jwmıs isteytinder" mädenieti qalıptastı. Genderlik teñdik pen otbası ministri Çuñ Hyun (Chung Hyun) eldegi jwmıs uaqıtın "adam şıdamaytınday wzaq" dep sipattağan bolatın.

Oñtüstik Koreya halqı Ekonomikalıq Intımaqtastıq jäne Damu Wyımı qwramındağı elder arasında eñ köp jwmıs isteytin elderdiñ biri sanaladı (Meksikadan ğana qalıp twr).

Oñtüstik Koreyada halıq Australiya, Wlıbritaniya siyaqtı eldermen salıstırğanda (ortaşa tabıs deñgeyi jaqın elder) jılına 400 sağatqa artıq jwmıs isteydi.

Al jaña zañ jobası aptalıq jwmıs sağatın 40 sağat etudi jäne qosımşa 12 sağat qosudı wsınadı. Koreyanıñ ekonomikalıq zertteuler institutınıñ mälimetinşe, jwmıs uaqıtınıñ qısqaruı käsiporındardı jılına 12 trln von (11 mlrd dollar) şığınğa alıp kelui mümkin.

18-ge tolmağan adamdar aptasına 35 sağat jwmıs isteuge qwqılı.

“The Qazaq Times”