اق ءۇي قاۋىپسىزدىكتى كۇشەيتىپ، پرەزيدەنتتىڭ كۇيەۋ بالاسىنا شەكتەۋ قويدى

رەيتەر اگەنتتىگىنىڭ حابارىنا قاراعاندا، اق ءۇي مەملەكەتتىك قۇپيانى قاداعالاۋدى كۇشەيتىپ، پرەزيدەنت ترامپتىڭ كۇيەۋ بالاسى جانە ونىڭ كەڭەسشىسى كۋشنەردىڭ ماڭىزدى مالىمەتتەرگە قول جەتكىزۋ قۇقىعىن شەكتەگەن. بۇل شەكتەۋلەر اراسىندا «پرەزيدەنتتىڭ كۇندەلىكتى بريفينگى» دە بار. بۇل تۋرالى «People» باسىلىمى حابارلادى.

مالىمەتتەرگە قاراعاندا، جاقىندا قۇراما شتات باس پروكۋرورىنىڭ ورىنباسارى روزەنشتەين اق ۇيگە مازمۇنى بەلگىسىز قۇجات جولداعان. اق ۇيدەگى اقپارات كوزدەرى بۇل كۋشنەردىڭ قۇزىرەتىن شەكتەۋگە قاتىستى قۇجات دەپ تۇسىندىرگەن.

دەرەك كوزدەرىنىڭ مالىمدەۋىنشە، ترامپتىڭ اعا كەڭەسشىسى لاۋازىمىنا يە كۋشنەرگە بىلتىر قاۋىپسىزدىككە قاتىستى مالىمەتتەردى الۋىنا رۇقسات بەرىلگەن، الايدا، سوڭعى بىرنەشە اپتادان بەرى پرەزيدەنتتىڭ كۇيەۋ بالاسى اق ءۇيدىڭ قۇپيا قۇجاتتارىنان قاعىلدى.

“The Qazaq Times”