Almatı qalasınıñ äkimi Bauırjan Baybek pen Gruziyanıñ ekonomika jäne twraqtı damu ministri Dmitriy Kumsişvili

Almatı äkimi Bauırjan Baybek Gruziyağa jwmıs saparı ayasında Tbilisidiñ meri Kahaber Kaladzemen kezdesti. Taraptar qala keñistigin,  sauda-ekonomikalıq baylanıstı damıtu, täjiribe almasu jäne turizm salasında ıntımaqtastıqtı nığaytu mäselelerin talqıladı, dep habarladı qala äkimdiginiñ baspasöz qızmeti.

Eki jaqtı kezdesu barısında Bauırjan Baybek Gruziya Prem'er-ministriniñ birinşi orınbasarı, ekonomika jäne twraqtı damu ministri Dmitriy Kumsişvilmen jüzdesti.

Tbilisi merimen kezdesude Bauırjan Baybek  Almatıda birqatar iri infraqwrılımdıq jobalardıñ  iske asqanın, logistika, turizm, «Smart city» jobası salalarında gruzindik biznesmender üşin ülken investiciyalıq äleuettiñ qalıptasqanın atap ötti.

Öz kezeginde Tbilisi meri eki  el arasında ünemi jılı äri bauırlastıq qarım- qatınastıñ ornıqqanın, endi eki qala  arasındağı ıntımaqtastıqtı nığaytudıñ mañızdı ekenin atap ötti. Kezdesu barısında Kaha Kaladze Almatıdağı kölikti twraqtandıru jäne twrmıstıq qatqıl qaldıqtardı utilizaciyalau jönindegi jobalarğa qızığuşılıq bildirdi.

Gruziyağa jwmıs saparı barısında  Bauırjan Baybek  prem'er-ministriniñ birinşi orınbasarı, ekonomika jäne twraqtı damu ministri Dmitriy Kumsişvilimen jüzdesip, taraptar  turizm salası men biznes- klimattı jaqsartu jönindegi özara ıntımaqtastıq mäselelerin talqıladı. Bügingi tañda Gruziya  Bükilälemdik «Doing Business»  bankiniñ reytinginde toğızınşı poziciyada jäne turistik  bağıttı damıtuda edäuir alğa jıljuda. Tek 2017 jıldıñ özinde ğana Gruziyada 7,5 mln-nan astam turist bolğan.

2017  jılı Almatı men Gruziya arasındağı tauar aynalımı 2016 jılmen salıstırğanda 14,5%-ğa artqan. Qalada sauda, qarjı, qwrılıs, medicina jäne basqa  salalarda gruzindik kapitalmen 51 käsiporın jwmıs istep jatır.

“The Qazaq Times”