الماتى اكىمى باۋىرجان بايبەك گرۋزيامەن ىنتىماقتاستىقتى نىعايتپاق

الماتى اكىمى باۋىرجان بايبەك گرۋزياعا جۇمىس ساپارى اياسىندا ءتبيليسيدىڭ مەرى كاحابەر كالادزەمەن كەزدەستى. تاراپتار قالا كەڭىستىگىن،  ساۋدا-ەكونوميكالىق بايلانىستى دامىتۋ، تاجىريبە الماسۋ جانە تۋريزم سالاسىندا ىنتىماقتاستىقتى نىعايتۋ ماسەلەلەرىن تالقىلادى، دەپ حابارلادى قالا اكىمدىگىنىڭ ءباسپاسوز قىزمەتى.

ەكى جاقتى كەزدەسۋ بارىسىندا باۋىرجان بايبەك گرۋزيا پرەمەر-ءمينيسترىنىڭ ءبىرىنشى ورىنباسارى، ەكونوميكا جانە تۇراقتى دامۋ ءمينيسترى دميتري كۋمسيشۆيلمەن جۇزدەستى.

تبيليسي مەرىمەن كەزدەسۋدە باۋىرجان بايبەك  الماتىدا بىرقاتار ءىرى ينفراقۇرىلىمدىق جوبالاردىڭ  ىسكە اسقانىن، لوگيستيكا، تۋريزم، «Smart city» جوباسى سالالارىندا گرۋزيندىك بيزنەسمەندەر ءۇشىن ۇلكەن ينۆەستيتسيالىق الەۋەتتىڭ قالىپتاسقانىن اتاپ ءوتتى.

ءوز كەزەگىندە تبيليسي مەرى ەكى  ەل اراسىندا ۇنەمى جىلى ءارى باۋىرلاستىق قارىم- قاتىناستىڭ ورنىققانىن، ەندى ەكى قالا  اراسىنداعى ىنتىماقتاستىقتى نىعايتۋدىڭ ماڭىزدى ەكەنىن اتاپ ءوتتى. كەزدەسۋ بارىسىندا كاحا كالادزە الماتىداعى كولىكتى تۇراقتاندىرۋ جانە تۇرمىستىق قاتقىل قالدىقتاردى ۋتيليزاتسيالاۋ جونىندەگى جوبالارعا قىزىعۋشىلىق ءبىلدىردى.

گرۋزياعا جۇمىس ساپارى بارىسىندا  باۋىرجان بايبەك  پرەمەر-ءمينيسترىنىڭ ءبىرىنشى ورىنباسارى، ەكونوميكا جانە تۇراقتى دامۋ ءمينيسترى دميتري كۋمسيشۆيليمەن جۇزدەسىپ، تاراپتار  تۋريزم سالاسى مەن بيزنەس- كليماتتى جاقسارتۋ جونىندەگى ءوزارا ىنتىماقتاستىق ماسەلەلەرىن تالقىلادى. بۇگىنگى تاڭدا گرۋزيا  بۇكىلالەمدىك «Doing Business»  بانكىنىڭ رەيتينگىندە توعىزىنشى پوزيتسيادا جانە تۋريستىك  باعىتتى دامىتۋدا ەداۋىر العا جىلجۋدا. تەك 2017 جىلدىڭ وزىندە عانا گرۋزيادا 7,5 ملن-نان استام تۋريست بولعان.

2017  جىلى الماتى مەن گرۋزيا اراسىنداعى تاۋار اينالىمى 2016 جىلمەن سالىستىرعاندا 14,5%-عا ارتقان. قالادا ساۋدا، قارجى، قۇرىلىس، مەديتسينا جانە باسقا  سالالاردا گرۋزيندىك كاپيتالمەن 51 كاسىپورىن جۇمىس ىستەپ جاتىر.

“The Qazaq Times”