Foto: 7News.kz

Osı jıldıñ qañtarında şoğırlandırılğan byudjet tapşılığı 333,5 mlrd teñgeni qwradı, dep habarlaydı Qazaqstannıñ qarjıgerler qauımdastığı. 

Qauımdastıqtıñ mälimetinşe, şığın kiristen 261,9 mlrd teñgege köp. 2018 jılğı qañtarda kiris 552,58 mlrd teñgege teñ bolğan jäne jıldıq orındaluı tiis byudjet kirisiniñ 5,7 payızın qwraydı.

"2018 jılğa josparlanğan salıq tüsimderi qañtar ayında 5,9 payızğa orındaldı. Salıqtıq emes tüsimder 27,11 mlrd teñgeni qwradı. Jıldıq jospar 151,95 mlrd teñge dep boljanğan. 2018 jılı negizgi kapitaldı 62,25 mlrd teñgege toltıru josparlanğan. Aqpan ayında salıq tüsimderi äldeqayda jaqsı boladı dep oylaymız", - delingen qauımdastıq habarlamasında.

Osılayşa, 2018 jıldıñ qañtarında 814,52 mlrd teñge jwmsalğan, bwl osı jılğa bekitilgen byudjettiñ 6,6 payızı. Al 2017 jıldıñ qañtarında şoğırlandırılğan byudjet şığını 641,3 mlrd teñgeni qwrağan. Şığınnıñ 27,3 payızı äleumettik kömekke (222,34 mlrd teñge), 23,0 payızı densaulıq saqtauğa (187,07 mlrd teñge), 14,2 payızı bilim salasına (115,29 mlrd teñge) jwmsalıptı.

Byudjet tapşılığı osı jıldıñ qañtarında 333,5 mlrd teñgeni qwradı. Bir jıl boyğı byudjet tapşılığı 1221,59 mlrd teñge köleminde boluı mümkin. Wlttıq qordan kepildendirilgen transfert türinde respublikalıq byudjetke 420 mlrd teñge audarılğan.

“The Qazaq Times”