DAIŞ wyımınıñ müşeleri. Foto: The Siver Times.

Irak Sırtqı ister ministrligi mälimdeme jasap, DAIŞ wyımına müşe bolıp kirgen 31 reseylikti eline qaytarğanın ayttı. Bwl turalı «Anadolı» aqparattıq agenttigi habarladı.

Irak SİM basşısı Ahmet Mahjub jasağan mälimette, Bağdat biliginiñ terrorlıq toptarğa qarsı tazalau operaciyası kezinde anıqtalğan reseylik azamattardıñ törteui äyel. Tergeu barısında olardıñ wyımnıñ äreketterine qatıspağanı rastalğan. 31 azamattıñ arasında balalar da bar.

Osıdan bir jıl bwrın (2017 jılı aqpanda) Mäskeude ötken TMD elderi qauipsizdik wyımdarınıñ basşıları  jinalısında Irak pen Süriya jerindegi ekstremisterdi anıqtau jäne olardıñ Süriya aumağına kiruiniñ aldın alu mäselesi talqılanğan bolatın. Mälimetterde Süriya men Iraktağı terrorlıq toptarğa 7 mıñnan astam TMD elderiniñ azamattarı qatısqanı aytılğan.

“The Qazaq Times”