دايش ۇيىمىنىڭ مۇشەلەرى. فوتو: The Siver Times.

يراك سىرتقى ىستەر مينيسترلىگى مالىمدەمە جاساپ، دايش ۇيىمىنا مۇشە بولىپ كىرگەن 31 رەسەيلىكتى ەلىنە قايتارعانىن ايتتى. بۇل تۋرالى «انادولى» اقپاراتتىق اگەنتتىگى حابارلادى.

يراك ءسىم باسشىسى احمەت ماحجۋب جاساعان مالىمەتتە، باعدات بيلىگىنىڭ تەررورلىق توپتارعا قارسى تازالاۋ وپەراتسياسى كەزىندە انىقتالعان رەسەيلىك ازاماتتاردىڭ تورتەۋى ايەل. تەرگەۋ بارىسىندا ولاردىڭ ۇيىمنىڭ ارەكەتتەرىنە قاتىسپاعانى راستالعان. 31 ازاماتتىڭ اراسىندا بالالار دا بار.

وسىدان ءبىر جىل بۇرىن (2017 جىلى اقپاندا) ماسكەۋدە وتكەن تمد ەلدەرى قاۋىپسىزدىك ۇيىمدارىنىڭ باسشىلارى  جينالىسىندا يراك پەن ءسۇريا جەرىندەگى ەكسترەميستەردى انىقتاۋ جانە ولاردىڭ ءسۇريا اۋماعىنا كىرۋىنىڭ الدىن الۋ ماسەلەسى تالقىلانعان بولاتىن. مالىمەتتەردە ءسۇريا مەن يراكتاعى تەررورلىق توپتارعا 7 مىڭنان استام تمد ەلدەرىنىڭ ازاماتتارى قاتىسقانى ايتىلعان.

“The Qazaq Times”