Foto: Şekaradağı türik äskerileri

Resmi Ankara men Uaşingtonnıñ kelisimi boyınşa, türik äskerileri Süriyanıñ Manbidj qalasına kirgizilgen. Bwl turalı Türkiyanıñ prem'er-ministri Binal Yıldırım mälimdedi, - dep habarlaydı "yeniakit.com.tr" agenttigi.

«Bügin biz Manbidjdi kürd jasaqtarınan bosatu maqsatında äskeri operaciyağa kiristik», - degen ol. AQŞ-tıñ memlekettik departamenti de Türkiyamen birge kürd otryadtarın Manbidjden şığaru  kestesin dayındağandarın mälimdedi. Ayta ketetin jayt, kürd jasaqtarı 2016 jıldıñ mausım ayında osı audandı DAIŞ wyımınan bosatqan bolatın.

Alayda, bir qızığı Süriyanıñ Manbidj qalasınıñ äskeri keñes basşısı Mwhammed Äbu Adil aqparat qwraldarına qalada birde-bir türik äskerileri joq dep habarlağan. «Biz Manbidjdiñ äskeri keñes qızmeti retinde halıqaralıq odaqtarmen kelissözder jürgizdik. Onıñ üstine, keşe halıqaralıq odaqtar men türikter arasında soñğı kelissözder jasalıp, bügin Türkiya tarapınan «Efrat qalqanı» operaciyası qayta bastalıp ketti. Alayda, Manbidjge äli jetpedi», - degen Äbu Adil'. Onıñ sözinşe, türik bölimşeleri äskeri opreraciya jasalğan aymaq şekarasına ornalastırılğan boluı mümkin. Alayda, olardıñ Manbidjge kiretinderine qatıstı eşqanday kelisimşart jasalmağan. Onıñ osı sözine oray, aqparat qwraldarına arnayı mälimdeme jasağan Türkiya Sırtqı ister ministri Mevlüt Çavuşoglu:  "Efrat qalqanı" jobasına kiretin aymaqtar men Manbidj aymağı arasına äskerlerimiz kire bastadı. Osıdan keyin aqırındap Manbidjge kiredi. Maqsatımız — "Kürdterdiñ halıqtıq qorğau otryadınıñ" (YPG)" baqılauındağı barlıq aymaqtan olardı şığara otırıp, aymaqtı twraqtılıqpen qamtamasız etu", - dedi.

Esteriñizge sala keteyik, resmi Ankara men Uaşington osı aydıñ basında Manbidjdi qauipsizdikpen jäne twraqtılıqpen qamtamasız etudi üş kezeñmen jüzege asıruğa kelisken edi. Osığan baylanıstı, alğaşqı kezeñde kürd jasaqtarın Manbidjden şığarılu josparlanğan. Ekinşi kezeñde qala 45 kün boyınşa baqılauğa alınadı. Üşinşi kezeñde jergilikti bilik qwrıladı.

 “The Qazaq Times”