foto: thetimes.co.uk

Vengriyanıñ SİM-i Piter Sjijarto (Peter Szijjarto) Jan Assel'borndı (Jean Asselborn) "Europanı migranttarğa toltırmaqşı" dep kinäladı, - dep habarlaydı Euronews aqparat agenttigi. 

Aldında Assel'born vengriyalıq Viktor Orbandı (Viktor Orban) diktator dep sınağan.

Vengriya bosqındarğa baspana tabumen aynalısatın wyımdardıñ qızmetin şekteu turalı zañ qabıldağan bolatın.

Assel'born oyınşa, "bilikti saqtap qalu üşin sayasi parasattılıqtan attap ötu diktatorlarğa tän". Sjijarto bolsa, "Assel'born barıp twrğan jarımes, Vengriyanıñ halqı neniñ jaqsı, neniñ jaman ekenin bilu üşin Lyuksemburgtıñ SİM-nen keñes swramaydı" dep jauap berdi.

Sonımen qatar "Orban ükimeti Vengriyanıñ qauipsizdigin qorğau maqsatında osınday qadamğa barıp otır. Al Lyuksemburgtıñ SİM-i Djord Soros jäne sonıñ seriktesterimen qosılıp Vengriyanı migrattarğa toltırmaq" dep qostı.

Amnesty International-dıñ mälimetinşe, jaña zañ "migraciyanı qoldaytın" wyımdardı Vengriya aumağında jwmıs isteu üşin rwqsat aluğa mäjbürleydi. Sonımen qatar bwl wyımdar migraciyalıq operaciyalarına şeteldik qarjılandıru közin taba alsa, 25 % köleminde salıq töleuge tiis.

Pol'şa, Vengriya siyaqtı bwrınğı kommunistik elder anti-immigranttıq sayasat jürgizude. Bwl elderge baspana izdep keletin bosqındar sanı batıseuropalıq elderge qarağanda äldeqayda az.

Eurostattıñ soñğı aqparatınşa, 2017 jıldıq jeltoqsan ayında Germaniyadan baspana beru turalı kelip tüsken ötiniş sanı 5235, al Vengriyadan baspana swrağandar sanı 120 eken.

“The Qazaq Times”