ۆەنگريانىڭ ءسىم-ءى پيتەر سجيجارتو (Peter Szijjarto) جان اسسەلبورندى (Jean Asselborn) "ەۋروپانى ميگرانتتارعا تولتىرماقشى" دەپ كىنالادى، - دەپ حابارلايدى Euronews اقپارات اگەنتتىگى.
الدىندا اسسەلبورن ۆەنگريالىق ۆيكتور ورباندى (Viktor Orban) ديكتاتور دەپ سىناعان.
ۆەنگريا بوسقىندارعا باسپانا تابۋمەن اينالىساتىن ۇيىمداردىڭ قىزمەتىن شەكتەۋ تۋرالى زاڭ قابىلداعان بولاتىن.
اسسەلبورن ويىنشا، "بيلىكتى ساقتاپ قالۋ ءۇشىن ساياسي پاراساتتىلىقتان اتتاپ ءوتۋ ديكتاتورلارعا ءتان". سجيجارتو بولسا، "اسسەلبورن بارىپ تۇرعان جارىمەس، ۆەنگريانىڭ حالقى نەنىڭ جاقسى، نەنىڭ جامان ەكەنىن ءبىلۋ ءۇشىن ليۋكسەمبۋرگتىڭ ءسىم-نەن كەڭەس سۇرامايدى" دەپ جاۋاپ بەردى.
سونىمەن قاتار "وربان ۇكىمەتى ۆەنگريانىڭ قاۋىپسىزدىگىن قورعاۋ ماقساتىندا وسىنداي قادامعا بارىپ وتىر. ال ليۋكسەمبۋرگتىڭ ءسىم-ءى دجورد سوروس جانە سونىڭ سەرىكتەستەرىمەن قوسىلىپ ۆەنگريانى ميگراتتارعا تولتىرماق" دەپ قوستى.
Amnesty International-دىڭ مالىمەتىنشە، جاڭا زاڭ "ميگراتسيانى قولدايتىن" ۇيىمداردى ۆەنگريا اۋماعىندا جۇمىس ىستەۋ ءۇشىن رۇقسات الۋعا ماجبۇرلەيدى. سونىمەن قاتار بۇل ۇيىمدار ميگراتسيالىق وپەراتسيالارىنا شەتەلدىك قارجىلاندىرۋ كوزىن تابا السا، 25 % كولەمىندە سالىق تولەۋگە ءتيىس.
پولشا، ۆەنگريا سياقتى بۇرىنعى كوممۋنيستىك ەلدەر انتي-يمميگرانتتىق ساياسات جۇرگىزۋدە. بۇل ەلدەرگە باسپانا ىزدەپ كەلەتىن بوسقىندار سانى باتىسەۋروپالىق ەلدەرگە قاراعاندا الدەقايدا از.
ەۋروستاتتىڭ سوڭعى اقپاراتىنشا، 2017 جىلدىق جەلتوقسان ايىندا گەرمانيادان باسپانا بەرۋ تۋرالى كەلىپ تۇسكەن ءوتىنىش سانى 5235, ال ۆەنگريادان باسپانا سۇراعاندار سانى 120 ەكەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟