Foto: vestnikkavkaza.net

2017 jıldıñ qorıtındısı boyınşa Qazaqstan 6 (Austriya, Ekvador, Latviya, Braziliya Izrail', Saud Arabiyası) memleketpen tauar aynalımın 20 payızğa tömendetti. Osılayşa Qazaqstan 200 mln dollar bolatın eksport kölemin qosa alğanda tauar aynalımınan 270 mln dollar joğaltıp otır. Jalpı Qazaqstan 2017 jılı Euraziyalıq ekonomikalıq odaq elderimen de tauar aynalımın azaytqan.

Austriya (-20,2 payız)

Bir jıl işinde atalğan elmen jasalğan kelisimder 40 mln dollarğa nemese 20 payızğa tömendegen. Al mwnıñ bastı sebebi - Europa eliniñ Qazaqstan mwnayınan bas tartuı.

Ekvador (-21,7%)

Ekvador men Qazaqstan arasında bastı sauda qarım-qatınası bananğa baylanıstı boldı. 2016 jılı import kölemi 17,1 mln dollardı qwrasa, 2017 jılı bwl körsetkiş eki esege nemese 8,5 mln dollarğa deyin azayğan. Mwnıñ özi eki el arasındağı azdağan tauar aynalımına äser etken. Degenmen Ekvador Qazaqstan narığına gül satu arqılı qayta kire bastadı.

Gül satu boyınşa jasalğan kelisim 17,1 mln dollardı qwrap, ekvador güli Qazaqstanda joğarı swranısqa ie boldı.

Al eksportqa keler bolsaq - nölge teñ deuge boladı. Qazaqstan äzirge Ekvador üşin asa wtımdı tauar türlerin wsınıp otırğan joq. Sondıqtan Qazaqstannıñ Ekvadorğa eksportı 67,2 mıñ dollardı qwradı.

Latviya (-22,2%)

Qazaqstan äzirşe Latviyamen sauda körsetkişin aytarlıqtay wlğaytuğa tırısuda. Öytkeni joğarıda atap ötkendey, Qazaqstannıñ körşi eldermen sauda baylanısı azayğan. Qazaqstan bwl elge mwnay eksporttap otır degen künniñ özinde onıñ kölemi 2017 jılı 37,7 mln dollarğa azayğan. Desek te 2016 jıldan beri Qazaqstan Latviyağa maqta satudı arttırğan. Baltıq jağalauındağı memleket qazaqstandıq şikizattı satıp aluğa 2016 jılı 38,5 mln dollar, 2017 jılı 50,6 mln dollar jwmsadı.

Al Latviyadan keletin import kölemi de köp emes, 2017 jılı  23,8 mln dollardı qwradı. Bwl elden keletin negizgi tauar - däriler. Latviya däri-därmegi üşin Qazaqstan 6,6 mln dollar jwmsağan.

Braziliya (-25,7%)

Braziliyamen tauar aynalımı köbine importpen baylanıstı. Qazaqstanda bwl elmen bolğan import kölemi jalpı kelisimniñ 80 payızın qwraydı. Braziliyadan keletin bastı tauar - qant qızılşası (2016 jılı 136,2 mln dollarğa qant qızılşası jetkizilgen). Alayda 2017 jılı Qazaqstanğa Reseyden qant qızılşası köptep kele bastadı. Nätijesinde, Braziliyamen sauda baylanısı üş esege (- 47,9 mln dollar) azayıp ketti. Eksport kölemi de aytarlıqtay köp emes. Kükirtke swranıstıñ tömendeuine baylanıstı, satılım kölemi 25,4 mln dollardan 22,6 mln dollarğa deyin tömendedi.

Izrail' (-40,9%)

Qazaqstan mwnaylı el ekenin eskersek, köp eldermen de osı şikizattı eksporttau boyınşa kelisim jasaydı. Izrail' Qazaqstannıñ qara altının twtınuşı elder qatarında. 2016 jıldıñ qorıtındısı boyınşa, bwl elge 212,1 mln dollarğa mwnay satılğan jäne körsetkiş eki el arasındağı tauar aynalımınıñ 70 payızın qwraydı. Alayda soñğı uaqıtta qazaqstandıq şikizatqa swranıs 110,1 mln dollarğa tömendegendikten, sauda kölemi de aytarlıqtay azayğan.

Al importqa keler bolsaq, Qazaqstan Izrail'den wşuğa arnalğan apparattardı satıp aludı azaytqan. Sonday-aq, wyalı telefon satıp alu 12,8-den 5,9 mln dollarğa deyin töendegen.

Saud Arabiyası (-47,7%)

Qazaqstanmen tauar aynalımı tömendegen elderdiñ biri - Saud Arabiyası. 2016 jılı Qazaqstan atalğan elge  swranısqa ie köptegen tauardı, sonıñ işinde qazandıqtarğa arnalğan qosalqı bölşekterdi (-7 mln dollar) jäne elektr energiyasın öndiruşi qondırğılardı (-5,3 mln dollar) eksporttaudı azayttı. Biraq olardıñ ornına 15,8 mln dollarğa basqa taura türleri eksporttaldı.

“The Qazaq Times”