2017 جىلدىڭ قورىتىندىسى بويىنشا قازاقستان 6 (اۋستريا، ەكۆادور، لاتۆيا، برازيليا يزرايل، ساۋد ارابياسى) مەملەكەتپەن تاۋار اينالىمىن 20 پايىزعا تومەندەتتى. وسىلايشا قازاقستان 200 ملن دوللار بولاتىن ەكسپورت كولەمىن قوسا العاندا تاۋار اينالىمىنان 270 ملن دوللار جوعالتىپ وتىر. جالپى قازاقستان 2017 جىلى ەۋرازيالىق ەكونوميكالىق وداق ەلدەرىمەن دە تاۋار اينالىمىن ازايتقان.
اۋستريا (-20,2 پايىز)
ءبىر جىل ىشىندە اتالعان ەلمەن جاسالعان كەلىسىمدەر 40 ملن دوللارعا نەمەسە 20 پايىزعا تومەندەگەن. ال مۇنىڭ باستى سەبەبى - ەۋروپا ەلىنىڭ قازاقستان مۇنايىنان باس تارتۋى.
ەكۆادور (-21,7%)
ەكۆادور مەن قازاقستان اراسىندا باستى ساۋدا قارىم-قاتىناسى بانانعا بايلانىستى بولدى. 2016 جىلى يمپورت كولەمى 17,1 ملن دوللاردى قۇراسا، 2017 جىلى بۇل كورسەتكىش ەكى ەسەگە نەمەسە 8,5 ملن دوللارعا دەيىن ازايعان. مۇنىڭ ءوزى ەكى ەل اراسىنداعى ازداعان تاۋار اينالىمىنا اسەر ەتكەن. دەگەنمەن ەكۆادور قازاقستان نارىعىنا گۇل ساتۋ ارقىلى قايتا كىرە باستادى.
گۇل ساتۋ بويىنشا جاسالعان كەلىسىم 17,1 ملن دوللاردى قۇراپ، ەكۆادور گۇلى قازاقستاندا جوعارى سۇرانىسقا يە بولدى.
ال ەكسپورتقا كەلەر بولساق - نولگە تەڭ دەۋگە بولادى. قازاقستان ازىرگە ەكۆادور ءۇشىن اسا ۇتىمدى تاۋار تۇرلەرىن ۇسىنىپ وتىرعان جوق. سوندىقتان قازاقستاننىڭ ەكۆادورعا ەكسپورتى 67,2 مىڭ دوللاردى قۇرادى.
لاتۆيا (-22,2%)
قازاقستان ازىرشە لاتۆيامەن ساۋدا كورسەتكىشىن ايتارلىقتاي ۇلعايتۋعا تىرىسۋدا. ويتكەنى جوعارىدا اتاپ وتكەندەي، قازاقستاننىڭ كورشى ەلدەرمەن ساۋدا بايلانىسى ازايعان. قازاقستان بۇل ەلگە مۇناي ەكسپورتتاپ وتىر دەگەن كۇننىڭ وزىندە ونىڭ كولەمى 2017 جىلى 37,7 ملن دوللارعا ازايعان. دەسەك تە 2016 جىلدان بەرى قازاقستان لاتۆياعا ماقتا ساتۋدى ارتتىرعان. بالتىق جاعالاۋىنداعى مەملەكەت قازاقستاندىق شيكىزاتتى ساتىپ الۋعا 2016 جىلى 38,5 ملن دوللار، 2017 جىلى 50,6 ملن دوللار جۇمسادى.
ال لاتۆيادان كەلەتىن يمپورت كولەمى دە كوپ ەمەس، 2017 جىلى 23,8 ملن دوللاردى قۇرادى. بۇل ەلدەن كەلەتىن نەگىزگى تاۋار - دارىلەر. لاتۆيا ءدارى-دارمەگى ءۇشىن قازاقستان 6,6 ملن دوللار جۇمساعان.
برازيليا (-25,7%)
برازيليامەن تاۋار اينالىمى كوبىنە يمپورتپەن بايلانىستى. قازاقستاندا بۇل ەلمەن بولعان يمپورت كولەمى جالپى كەلىسىمنىڭ 80 پايىزىن قۇرايدى. برازيليادان كەلەتىن باستى تاۋار - قانت قىزىلشاسى (2016 جىلى 136,2 ملن دوللارعا قانت قىزىلشاسى جەتكىزىلگەن). الايدا 2017 جىلى قازاقستانعا رەسەيدەن قانت قىزىلشاسى كوپتەپ كەلە باستادى. ناتيجەسىندە، برازيليامەن ساۋدا بايلانىسى ءۇش ەسەگە (- 47,9 ملن دوللار) ازايىپ كەتتى. ەكسپورت كولەمى دە ايتارلىقتاي كوپ ەمەس. كۇكىرتكە سۇرانىستىڭ تومەندەۋىنە بايلانىستى، ساتىلىم كولەمى 25,4 ملن دوللاردان 22,6 ملن دوللارعا دەيىن تومەندەدى.
يزرايل (-40,9%)
قازاقستان مۇنايلى ەل ەكەنىن ەسكەرسەك، كوپ ەلدەرمەن دە وسى شيكىزاتتى ەكسپورتتاۋ بويىنشا كەلىسىم جاسايدى. يزرايل قازاقستاننىڭ قارا التىنىن تۇتىنۋشى ەلدەر قاتارىندا. 2016 جىلدىڭ قورىتىندىسى بويىنشا، بۇل ەلگە 212,1 ملن دوللارعا مۇناي ساتىلعان جانە كورسەتكىش ەكى ەل اراسىنداعى تاۋار اينالىمىنىڭ 70 پايىزىن قۇرايدى. الايدا سوڭعى ۋاقىتتا قازاقستاندىق شيكىزاتقا سۇرانىس 110,1 ملن دوللارعا تومەندەگەندىكتەن، ساۋدا كولەمى دە ايتارلىقتاي ازايعان.
ال يمپورتقا كەلەر بولساق، قازاقستان يزرايلدەن ۇشۋعا ارنالعان اپپاراتتاردى ساتىپ الۋدى ازايتقان. سونداي-اق، ۇيالى تەلەفون ساتىپ الۋ 12,8-دەن 5,9 ملن دوللارعا دەيىن توەندەگەن.
ساۋد ارابياسى (-47,7%)
قازاقستانمەن تاۋار اينالىمى تومەندەگەن ەلدەردىڭ ءبىرى - ساۋد ارابياسى. 2016 جىلى قازاقستان اتالعان ەلگە سۇرانىسقا يە كوپتەگەن تاۋاردى، سونىڭ ىشىندە قازاندىقتارعا ارنالعان قوسالقى بولشەكتەردى (-7 ملن دوللار) جانە ەلەكتر ەنەرگياسىن ءوندىرۋشى قوندىرعىلاردى (-5,3 ملن دوللار) ەكسپورتتاۋدى ازايتتى. بىراق ولاردىڭ ورنىنا 15,8 ملن دوللارعا باسقا تاۋرا تۇرلەرى ەكسپورتتالدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى