Mozambiktegi qoqıs üyindisi janındağı üylerdiñ üstine qwlap, 17 adam qaytıs boldı. Qoqıs üyindisiniñ astında qalıp qoyğandar boluı mümkin , - dep habarlaydı Al Jazeera aqparat agenttigi.

El astanası Maputo (Maputo) qalasında bolğan qattı jauın kesirinen Hulen qoqıs  üyindisi jergilikti uaqıtpen şamamen 15,00 şamasında düysenbi küni qwlap, 5 üydi qiratqan.

Wlttıq qauipsizdik qızmetiniñ ökili Leonil'da Pelembeniñ (Leonilde Pelembe) aytuınşa, üyindi astında tağı adamdar qalğan boluı mümkin.

"Jergilikti bilik ökilderiniñ mälimdeuinşe, üyindi astında qalğan üylerde twratın adamdar sanı qaytıs bolğandar sanınan köp. Sol sebepti izdeu jwmıstarı äli jalğasıp jatır", - deydi Pelembe.

Üyindi qwlağanğa deyin qalanıñ kedey aymaqtarındağı twrğındarğa basqa jaqqa köşu kerektigin jergilikti bilik ökilderi aytqan körinedi.

Portugaliyalıq "Lusa" aqparat agenttigi qoqıs üyindisi 3 qabattı ğimaratpen teñeskenin jazdı.

BWW Damu bağdarlamasınıñ aqparatınşa, Mozambik halqınıñ 55 payızğa juığı (şamamen 14 mln adam) kedeyşilikte ömir sürip keledi.

Qala twrğını Mariya Ho (Maria Huo): "Bwl qoqıs üyindisi saqtalatın jerdi osıdan 10 jıl bwrın jabu kerek bolğan. Biraq olar äli de üsti-üstine qoqıstı äkelip jatır. Endi nätijesin körip otırsızdar. Meniñ üyim jartılay qoqıstıñ astında qalıp, balam jarqattandı", - dedi.

Mozambik radiosı osı jağdaydıñ kesirinen baspanasız qalğandardı uaqıtşa ornalastıratın ortalıq aşılatının habarladı.

“The Qazaq Times”