برازيليا اسكەرى ايماقتاعى قاۋىپسىزدىكتى ءوز قولىنا الماق

برازيليا پرەزيدەنتى ميشەل تەمەر (Michel Temer) ەسىرتكى بيزنەسىنىڭ توڭىرەگىندەگى زورلىق-زومبىلىققا جاۋاپ رەتىندە  ريو-دە-جانەيرونىڭ قاۋىپسىزدىگىن تولىق باقىلاۋىنا الاتىن جارعىعا قول قويدى، - دەپ حابارلايدى Euronews اقپارات اگەنتتىگى. 

سونىمەن قاتار ەل باسشىسى بارلىق ايماقتا قاۋىپسىزدىك وپەراتسيالارىن باسقارۋ ءۇشىن ارنايى مينيسترلىك قۇراتىنىن ايتتى.

«ءبىر ايماقتىڭ جاعدايى ناشارلاي باستاعاندا ادەتتە كورشىلەس قالالاردا دا ءدال سونداي جاعداي بايقالادى. سونىڭ الدىن الۋ ءۇشىن ريو-دە-جانەيروداعى السىزدەردى قورعاۋ جولىندا بەلسەندى تۇردە جۇمىس ىستەيمىز»، - دەيدى پرەزيدەنت.

1985 جىلى اسكەري ديكتاتۋرانى باسىنان كەشىرگەن ەلدە بۇل شەشىم قوعامدىق پىكىردى ەكىگە ءبولدى.

جەرگىلىكتى تۇرعىنداردىڭ ايتۋىنشا، اسكەري ينتەرۆەنتسيانى قولدانعاندا وتە اباي بولۋ كەرەك. سەبەبى بيلىكتى اسىرا پايدالانۋ مەن قوعامدىق تارتىپسىزدىك اراسىندا دەموكراتيا مەن ەركىندىك ۇمىتىلماعانى ءجون. «ءبىر جاعىنان، گۋبەرناتورمەن كەلىسپەۋگە دە بولمايدى، ەلدەگى زورلىق-زومبىلىق دەڭگەيى ومىردە بولماعان جوعارى دەڭگەيگە كوتەرىلدى» - دەيدى تۇرعىندار.

ءتىپتى وسى جىلى وتكەن كارناۆال كەزىندە دە جەرگىلىكتى باندالار تۋريستەر كوپ جۇرەتىن ورىندارعا قارۋمەن كىرىپ كەلىپ، ۇرلىق جاساعان (سۋرەتتە كورسەتىلگەن).

بىراق ول سامبا مەكتەپتەرىنە تەممەر رەجيمىنە قارسى نارازىلىقتارىن بىلدىرۋگە ەش كەدەرگى كەلتىرمەدى.

“The Qazaq Times”