Qañtardıñ 27 jwldızı Qazaqstan Respublikası prem'er-ministriniñ orınbasarı Imanğali Tasmağambetov Almatı qalasında Alaş qayratkeri, ğwlama ğalım Ahmet Baytwrsınwlınıñ muzey üyinde arnayı bardı, - dep habarladı Tengrinews.kz saytında.

Tasmağambetov tarih jäne mädeniet eskertkişi sanalatın muzey üyiniñ jıldar boyı qordalanğan mäseleleriniñ şeşiluine mwrındıq bolmaq.

Ahmet Baytwrsınwlı muzey üyiniñ direktorı Rayhan Sahıbekqızı vice-prem'er Imanğali Tasmağambetovti muzey jwmısımen jäne aqınnıñ jädigerlerimen tanıstıra otırıp, tüytkildi mäselelerdiñ bar ekenin jetkizdi.

Vice-prem'er öz kezeginde alaş ziyalılarınıñ qwndı mwraların jinaqtap, saqtauğa kelgende ayanbay eñbek etu qajet ekenin ayta otıra, osı dünielerdiñ qwndılığına da erekşe toqtaldı.

"1934-1937 jıldarı aqın twrğan osınau kieli şañıraq - tarih pen tağılımnıñ ordası. Bwl üydiñ ärbir kirpişi men bwrışı Ahañnıñ qiın da qasiretti tağdırınan sır şertedi. Sondıqtan, biz bwl tarihi eskertkişti saqtauğa, onıñ bilim men ğılımnıñ, tälim men tärbieniñ ordası retinde damıtuğa tiispiz", - dedi Imanğali Tasmağambetov.

Ükimet tarapınan qayratkerdiñ ğılımi eñbekterin zerdeleudi jetildiru maqsatında QR prem'er-ministriniñ orınbasarı Imanğali Tasmağambetov muzey wlttıq märtebesin beru, Ahmet Baytwrsınwlı şığarmalarınıñ 10 tomdığın şığaru jäne derekti fil'm tüsiru jöninde tapsırma berdi. Qoyılğan mindetterdi jüzege asıru üşin kelesi aptada Astanada arnayı keñes ötkizilmek.

Ayta keteyik, 1934-1937 jıldar aralığında Ahmet Baytwrsınov twrğan üy muzey retinde 1998 jılı aqınnıñ 125 jıldıq mereytoyı qarsañında resmi türde aşılğan. Sonımen qatar, biıl Alaş qozğalısınıñ qwrılğanına 100 jıl toladı.

“The Qazaq Times”