foto: Al Jazeera

Europalıq Parlament "Mısırdı zorlıq-zombılıq pen kez kelgen küş körsetu äreketterin toqtatuğa şaqırıp, el ükimetine adam qwqığın qorğau men qoğamnıñ güldenui qatar jüretinin eskertti" - dep habarlaydı Al Jazeera aqparat agenttigi.

Kornell universitetiniñ Ortalığı mälimetinşe, 2013 jılı bilik basına Abdel' Fattah el'-Sisi (Abdel Fattah el-Sisi) kelgennen beri elde qoldanılğan ölim jazasınıñ sanı kürt artqan. Mısalı 2014 jıldan beri keminde 97 adam ölim jazasına kesilgen (2010-2014 jıldarı 5 adam).

BWW adam qwqıqtarı jönindegi keñes mamandarınıñ aytuınşa, Mısırdıñ qwzırlı organdarı köp jağdayda türmedegilerdi qinap, küş körsetip barıp qol jetkizgen dälelderdi olardı ölim jazasına kesu üşin qoldanadı.

Tarağan mälimetke qarağanda,  2 qañtar küni jergilikti bilik organdarınıñ şeşimimen ölim jazasına kesilgen 5 adam Aleksandriyada darğa asıldı. Olardıñ törteui 2015 jıldıñ säuirinde bolğan jarılısqa qatısı bar degen ayıppen sottalğan bolatın.

2013 jılı Sinay tübegindegi sarbazdardıñ ölimine alıp kelgen terroristik is-äreketteri üşin sottalğan 15 adam 2017 jıldıñ 26 jeltoqsanında Aleksandriyada ölim jazasına kesildi.

“The Qazaq Times”