![](https://qazaqtimes.com/kk/content/uploads/2019/06/806x378-turkeys-erdogan-pays-tribute-to-martyr-morsi-after-his-death-1560788793512-800x480.jpg?token=3c6899f75f3450dba67f0b99065f018f)
Türkiya prezidenti Rejep Tayıp Erdoğan Mısırdı halıqaralıq sotqa beretinin mälimdedi. Ol sot üstinde qaza tapqan Mısırdıñ bwrınğı prezidenti Mwhammed Musidıñ ölimine qazirgi bilikti ayıptı dep qaraydı.
Prezident Erdoğan Stambulda jasağan mälimdemesinde, Mısırdı halıqaralıq sotqa tartu üşin qoldan keletin barlıq şaranı jasaytının ayttı. Ol sözinde: «Mursi qaza tapqan joq, ol öltirildi. Ol sot zalında 20 minutqa deyin jantalasıp jatqan. Sol jerdegi lauazımdılar oğan kömektespegen», – degen.
Türkiya prezidenti sonday-aq, Mwhammed Mursidiñ ölimine baylanıstı Mısırdıñ kezekti qadamdarın nazarda wstaytının, Islam Intımaqtastıq wyımın qoldauğa şaqıratının, Mısırdı halıqaralıq sotqa tartu üşin bar küşin salatının jetkizgen.
Mwhammed Mursi Mısırdıñ twñğış ret demokratiyalıq jolmen saylanğan prezidenti. Alayda, ol bilikke şığıp bir jıldan keyin elde äskeri töñkeris bolıp, Mursidi bilikten ketirgen. Äri, öziniñ ükimet lauazımdılarımen birge qamauğa alınğan. Ol ötken aptanıñ soñında tıñşılıq ayıbımen bolğan sot otırısı kezinde köz jwmğan.